މި އަހަރު ބާއްވާ އިންޓަ-ސްކޫލް ވޮލީ މުބާތުގައި ބައިވެރިވާން ހުޅުވާލައިފި އެވެ.
ވޮލީބޯޅަ އެސޯސިއޭޝަނުން ބުނީ ދެ ޖިންސަށް ހާއްސަކޮށްގެން މާލޭގެ އެކުވެނި ޓާފް އައުޓްޑޯ ވޮލީ ކޯޓުތަކުގައި ބާއްވަން ހަމަޖެހިފައިވާ މުބާރާތް ފަށާނީ ނޮވެމްބަރު 25 ގައި ކަމަށެވެ. އެހެންވެ މި މުބާރާތުގައި ބައިވެރިވާން ޝައުގުވެރިވާ ސްކޫލްތަކަށް ފުރުސަތު ހުޅުވާލާފައި ވަނީ ނޮވެމްބަރު 3 އާ ހަމައަށެވެ.
ބައިވެރިވެރިވާ ސްކޫލްތަކުން ޓީމް ލިސްޓް ހުށަހަޅަން ޖެހޭ ސުންގަޑި އަކީ ނޮވެމްބަރު 14 ގެ މެންދުރު ފަހު 1:00 އެވެ.
އިންޓަ-ސްކޫލް ވޮލީ މުބާރާތް ބާއްވަނީ ދެ ޖިންސްގެ ޑިވިޝަނުން ތިން އުމުރުފުރައަކަށެވެ. އެއީ އެއީ 14 އަހަރުން ދަށް، 16 އަހަރުން ދަށް އަދި 19 އަހަރުން ދަށެވެ.
މުބާރާތާ ބެހޭ އިތުރު މައުލޫމާތު މި ނަމްބަރު 3317015 އިން ހޯދޭނެ އެވެ.
މިދިޔަ އަހަރު ބޭއްވި އިންޓަ-ސްކޫލް ވޮލީ މުބާރާތުގެ 19 އަހަރުން ދަށުގެ ފިރިހެން ޗެމްޕިއަންކަން ސީއެޗްއެސްއީ ހޯދި އިރު، އެ އުމުރުފުރާގެ އަންހެން ޗެމްޕިއަން ސްކޫލަކީ ވ. ކެޔޮދޫ ސްކޫލެވެ. ސޯޅަ އަހަރުން ދަށުގެ ފިރިހެން ޗެމްޕިއަންކަން ކުނބުރުދޫ ސްކޫލް ހޯދި އިރު، އެ އުމުރުފުރާގެ އަންހެން ޗެމްޕިއަނަކީ ފ. އަތޮޅު މަދުރަސާ އެވެ.
މީގެ އިތުރުން 14 އަހަރުން ދަށުގެ އަންހެން އަދި ފިރިހެން ޗެމްޕިއަނަކީ ވެސް ފ. އަތޮޅު މަދުރަސާ އެވެ.