އިމިގްރޭޝަނާ ހުރި މައްސަލަތައް ރިޕޯޓްކުރަން އިމިގްރޭޝަނުން ތައާރަފުކުރި "އިމިގްރޭޝަން ވޮޗް" އަށް މިހާތަނަށް 473 މައްސަލަ ރިޕޯޓުކޮށްފި އެވެ.
އެ ޕްލެޓްފޯމް ތައާރަފުކުރީ މިދިޔަ މަހުގެ 17 ގަ އެވެ.
އިމިގްރޭޝަނުން ބުނީ އެ ތާރީހުން ފެށިގެން މި މަހުގެ 26 ގެ ނިޔަލަށް 473 މައްސަލައެއް ރިޕޯޓުކޮށްފައިވާ ކަމަށާއި އޭގެ ތެރެއިން 369 މައްސަލައެއް ބަލަމުން އަންނަ ކަމަށެވެ. އަދި ވެރިފައި ކުރަމުން އަންނަ މައްސަލަތަކުގެ އަދަދު 82 އަށް އަރާ ކަމަށް ވެސް އިމިގްރޭޝަނުން ބުންޏެވެ.
އިމިގްރޭޝަނުން ބުނީ "އިމިގްރޭޝަން ވޮޗް" އަށް ރިޕޯޓްކުރި މައްސަލަތަލަށް ބަލާ އިރު އެ އިދާރާއާ ނުގުޅޭ މައްސަލަތަކާ 22 މައްސަލައެއް ވެސް ރިޕޯޓްކޮށްފައިވާ ކަމަށެވެ.
މި ފްލެޓްފޯމަކީ އިމިގްރޭޝަނާ ގުޅުން ހުރި ކަންތައްތައް ރިޕޯޓްކުރުމަށް އާންމުންނަށް ހުޅުވައިލި ފުރުސަތެކެވެ. އެގޮތުން، މި "އިމިގްރޭޝަން ވޮޗް" އަށް ގަވާއިދާ ޚިލާފަށް އުޅޭ ބިދޭސީއެއްގެ މައްސަލަ ކޮންމެ ފަރާތަތަކަށް ވެސް ރިޕޯޓް ކުރެވިދާނެއެވެ. ނޫނީ ރާއްޖެއަށް ވަގަށް އެތެރެވާން މަސައްކަތް ކުރާ ބިދޭސީއެއްގެ މައުލޫމާތު ވެސް ހިއްސާ ކުރެވޭނެ އެވެ.
އެ މެދުވެރިކޮޑް އަމިއްލަ އައިޑެންޓިޓީ ހާމަނުކޮށް، ވެސް މައްސަލަފައް ރިޕޯޓް ކުރެވޭނެ އެވެ.
"އިމިގްރޭޝަން ވޮޗް" އަށް 24 ގަޑިއިރު މައްސަލަތައް އިމިގްރޭޝަނަށް ރިޕޯޓް ކުރެވޭނެ އެވެ.