މަސްވެރިކަމިގެ ދާއިރާ އިން މީހުން ބިނާކުރަން ފިޝަރީޒް މިނިސްޓްރީ އާއި ގައުމީ ޔުނިވަސިޓީ ގުޅިގެން އުފައްދަން ނިންމި ކޮލެޖް އޮފް ފިޝަރީޒް އެންޑް އޯޝަން ސައިންސެސް އިން ކޯސްތަކެއް އިއުލާންކޮށްފި އެވެ.
އެގޮތުން ސްޕޯޓްސް ފިޝިންއާ އެކު ހަތަރު ކޯހެއް އިއުލާންކޮށްފައިވެ އެވެ.
ފިޝަރީޒް ކޮލެޖުން ކިޔަވައި ދޭން އިއުލާންކުރި ކޯސްތަކުގެ ތެރެއިން ނެޝަނަލް ސެޓްފިކެޓް 3 އިން ސްޕޯޓްސް ފިޝިން ގައިޑިން ކޯސް ހިންގަން ހަމަޖެހިފައި ވަނީ މާލެ އާއި ކުޅުދުއްފުއްޓާއި އައްޑޫ ހިތަދޫގައި ހުންނަ އެމްއެންޔޫގެ ކެމްޕަހުގަ އެވެ.
ނެޝަނަލް ސެޓްފިކެޓް 1 އިން ފިޝް ޕްރޮސެސިން އެންޑް ކޮލިޓީ ކޮންޓްރޯލް ކޯހާއި ނޭޝަނަލް ސެޓްފިކެޓް 2 އިން ފިޝް ޕްރޮސެސިން އެންޑް ކޮލިޓީ ކޮންޓްރޯލް ކޯހާއި ނޭޝަނަލް ސެޓްފިކެޓް 3 އިން ފިޝް ޕްރޮސެސިން އެންޑް ކޮލިޓީ ކޮންޓްރޯލް ކޯހެކެވެ.
މި ކޯސްތައް ހިންގާނީ ފުލްޓައިމް (ބްލެންޑެޑް) މޯޑަށެވެ.
މި ކޯސްތަކަށް އެޕްލައި ކުރުމުގެ ފުރުސަތު އަންނަ މަހުގެ 3 އާ ހަމައަށް ވަނީ ހުޅުވާލައިފަ އެވެ. އެގޮތުން ސުންގަޑި ހަމަވާނީ އެ ދުވަހުގެ މެންދުރު ފަހު 2:00 އަށެވެ.