ސަލްމާން ޚާން ޅެމުގައި ހިއްސާވެ ކިޔާފައިވާ ލަވަ "ޔޫ އާ މައިން" މިއަދު ވީޑިއޯއާ އެކީ ދައްކާލައިފި އެވެ.
މި ލަވަ އެންމެ ހާއްސަވާ އެއް ސަބަބަކީ ސަލްމާނަށް ބޮޑުބޭބެ ކިޔާ އަޔާން އަގްނިހޯތުރީ އަގްނީ) ރެޕް ބައިތައް ކިޔާފައިވުމެވެ. އުމުރުން މިހާރު 26 އަހަރުގެ އަގްނީ ސަލްމާންގެ ކޮއްކޮ އަލްވިރާ ޚާނާއި ކުރީގެ އެކްޓަރު އަދި މިހާރުގެ ޕްރޮޑިއުސަރު އަތުލް އަގްނިހޯތުރީގެ ދޮށީ ދަރިފުޅެވެ
"ޔޫ އާ މައިން" ގެ މިއުޒިކް ހެދީ ވިޝާލް މިޝްރާ އެވެ.
ސަލްމާން މީގެ ކުރިން ވެސް ލަވަތަކެއް ކިޔާފައިވެ އެވެ. އެގޮތުން އޭނަގެ ބައެއް ފިލްމުތަކަށް އަމިއްލަ އަޑު ލަވަތަަކެއް ރެކޯޑްކޮށްފައިވާ އިރު، ބައެއް ސިންގަލްތައް ވަކިވަކި ވީޑިއޯ ލަވަތަކެއްގެ ގޮތުގައި ވެސް ގެނެސްދީފައިވެ އެވެ.