ލ. ގަމުން މާލެ ދަތުރު ކުރަނިކޮށް ގެއްލުނު ބޯޓް މިހާރު ފެނިފައިވާ ކަމަށް އެމްއެންޑީއެފުން ބުނެފި އެވެ.
ސާދަ މީހުންނާ އެކީ ފުރި "އަކްރިސް" ބޯޓު ގެއްލިގެން ހޯދަން ފެށީ ރޭ ގަމުން ފުރައިގެން މާލެއަށް ފުރި ފަހުން ޚަބަރެއް ނުވެގެންނެވެ. ބޯޓް ގެއްލިގެން ރިޕޯޓްކުރީ ރޭ 07:10 ހާއިރު އެވެ.
އެމްއެންޑީއެފުން ބުނީ ބޯޓު ފެނުނީ މ. ރަތްމަންދޫގެ އިރުން 22 ނޯޓިކަލް މޭލު ބޭރުގައި އިންޖީނު ހުއްޓިފައި ވަނިކޮށް ކޯސްޓްގާޑުގެ އިންޓަސެޕްޓަ އުޅަނދަކަށް ކަމަށެވެ. ބޯޓް ފެނުނު އިރު އޭގައި ތިބި އެންމެންގެ ޙާލު ވެސް ރަނގަޅުކަމަށް އެމްއެންޑީއެފުން ބުންޏެވެ.
އެމްއެންޑީއެފުން މިހާރު އަންނަނީ ބޯޓަށް ބޭނުންވާ އެހީތެރިކަން ފޯރުކޮށް ދެމުންނެވެ.