މަސްވެރިން މަހަށް ފުރަން ހިތްވަރު ދިނުމުގެ ގޮތުން މިފްކޯ އަށް މަސްކިރާ ދޯނިތަކަށް ފަހުން ފައިސާ ދައްކާ ގޮތަށް 10 ޓަނުގެ އައިސް ދޫކުރަން ނިންމައިފި އެވެ.
އެ ކުންފުނިން ބުނި ގޮތުގައި، ކްރެޑިޓަށް އައިސް ވިއްކާ ދޯނިފަހަރު މަސްކިރުމުން ބިލު ހަދާނީ، ކްރެޑިޓަށް އައިސް ގަތް ފައިސާ ބިލުން އުނިކުރުމަށް ފަހު ކަމަށެވެ. މިފްކޯ އިން ބުނީ މަސްކިރާ ކޮންމެ ދޯންޏަކަށް ވެސް އެކި ފަހަރު މަތިން 10 ޓަނާ ހަމައަށް ކްރެޑިޓަށް އައިސް ލިބޭނެ ކަމަށެވެ.
މި މަހުގެ 21 ގައި ވެސް މިފްކޯއިން ވަނީ ކޮންމެ ދޯންޏަކަށް ހިލޭ ވެސް ތިން ޓަނު އައިސް ދީފަ އެވެ.