ރާއްޖޭގެ މަޝްހޫރު ޓްރެވެލް އެޖެންސީއެއް ކަމަށްވާ އިނަ މޯލްޑިވްސް މާލޭގެ އޮފީސް ރޭ ފަޅާލާލައިފި އެވެ.
އެ ކުންފުނީގެ ވެރިޔާ މުހައްމަދު ފިރާގު ފޮޓޯތަކަކާ އެކީ މިއަދު ފޭސްބުކްގައި ވިދާޅުވީ އޮފީސް ފަޅާލި ނަމަވެސް ވަގުންނަަށް އެތަނުން ވަގަށް ނަގާނެ މުހިއްމު އެއްޗެއް ނުފެނުނު ކަމަށެވެ. ނަމަވެސް ތަނުގެ ބައެއް ތަންތަނަށް ގެއްލުން ދީފައިވާ ކަމަށް ފިރާގު ވިދާޅުވި އެވެ.
މި މައްސަލަ ވަނީ ފުލުހުންނަށް ވެސް ރިޕޯޓްކޮށްފަ އެވެ.
ވައްކަމުގެ މައްސަލަތައް ރާއްޖޭގައި ވަރަށް ގިނަ އެވެ. ވަކިން ހާއްސަކޮށް މާލެ އިން ރިޕޯޓްކުރާ މިފަދަ މައްސަލަތަކުގެ އަދަދު ގިނަ އެވެ.