އުރީދޫ 5ޖީ މިހާރު އައްޑު އަށް ވެސް ލިބޭނެ ކަމަށް އެ ކުންފުނިން ބުނެފި އެވެ.
އުރީދޫން ބުނީ އެ ކުންފުނީގެ 5ޖީގެ ޚިދުމަތް އައްޑު އަށް ތާރަފުވެގެން ދިއުމަކީ ދުނިޔޭގެ ފެންވަރުގެ ކަނެކްޓިވިޓ ރާއްޖޭގެ އެކި ކަންކޮޅުތަކުގައި ފޯރުކޮށް ދިނުމަށް ކުރަމުން އަންނަ މަސައްކަތަށް ލިބުނު ވަރަށް ބޮޑު ކުރިއެރުމެއް ކަމަށެވެ.
މި ހިދުމަތާ އެކީ މިހާރު އައްޑޫގެ އުރީދޫގެ ކަސްޓަމަަރުންނަށް ކުރިއަށް ވުރެ ހަލުވި އިންޓަނެޓް ސްޕީޑާއި އަލްޓްރާ ލޯ ލެޓެންސީ އަދި އިތުބާރު ހިފޭ ކަނެކްޝަނެއް ތަޖުރިބާކުރެވޭނެ ކަމަށް އުރީދޫން ބުންޏެވެ. އަދި މީގެ ސަބަބުން ދިރިއުޅުމާއި މަސައްކަތާއި ކުޅުމުގެ ވައްޓަފާޅިއަށް ހެޔޮ ބަދަލު ތަކެއް އަންނާނެ ކަމަށް ވެސް އުރީދޫން ބުންޏެވެ.
އުރީދޫން ބުނެފައިވާ ގޮތުގައި ރާއްޖޭގެ އާބާދީގެ 60 ޕަސެންޓަށް 5ޖީ ލިބޭނެ އެވެ.