މާލެ ސަރަހައްދުގެ މިސްކިތްތަކުގައި އިމާމުވެ ހުކުރު ކުރައްވާ ޙަތީބުންގެ ލިސްޓު އަންނަ ހަފުތާގައި މުރާޖާކުރަން ނިންމާފައިވާ ކަމަށް އިސްލާމިކް މިނިސްޓަރު ޑރ. މުޙައްމަދު ޝަހީމް ޢަލީ ސައީދު ވިދާޅުވެއްޖެ އެވެ.
ބައެއް ޙަތީބުން ޙުތުބާ ވިދާޅުވާ އިރު، ން ކުށް ކިޔުއްވާ ކަމަށް ވިދާޅުވެ ޝައިހް އަލީ ޒައީދު ކަންބޮޑުވުން ފާޅު ކުރެއްވުމާ ގުޅިގެން މިނިސްޓަރު ވިދާޅުވީ މާލޭ ސަރަހައްދުގައި ޚުތުބާ ކިޔާ މީހުންގެ ލިސްޓު އަންނަ ހަފުތާގައި މުރާޖާކުރަން ނިންމާފައިވާ ކަމަށެވެ.
Male City ge Khuthubaa kiyuvaa beyfulhunge list anna hafthaaga muraajiyaa kuraanan. Ilmee Qaabil hunaruveri beyfulhunah furusathu dhinunah iskan dheynan. Insha Allah. https://t.co/D5UD6x5dHY
— Mohamed Shaheem Ali Saeed (@Mohamedshaheem1) August 30, 2024
މިނިސްޓަރު ވިދާޅުވީ އެކަން ކުރުމުގައި އިލްމީ، ގާބިލު، އަދި ހުނަރުވެރި ބޭފުޅުންނަށް ފުރުސަތު ދޭން އިސްކަން ދެއްވާނެ ކަމަށެވެ.
ޝެއިހް ޒައިދު ފާހަގަ ކުރެއްވި ގޮތުގައި ޙުތުބާ ކިތަންމެ މޮޅަށް ލިޔެފައި އޮތް ނަމަވެސް ކުށްކިޔައި ތިން ހަތަރު ފަހަރު އަލުން ފަށައިގެން ޖުމްލަ ކިޔައި ހެދުމަކީ އަޑުއަހަން ތިބޭ މީހުންގެ ޝައުގުވެރިކަން ގެއްލޭނެ ކަމެކެވެ. އަދި އެއީ ޚުތުބާގެ އަސަރު ކެނޑި ދޭން ބޭނުންވާ މެސެޖު ފެއިލްވާނެ ކަމެއް ކަމަށް ފާހަގަ ކުރައްވައި އޭނަ ވަނީ ޚުތުބާ ފަރިތަކުރުމަށާއި އެ ކަމަށް ޝައުގުވެރިކަން ބަހައްޓައި އެކަށިގެންވާ ތައްޔާރީތައް ވާން ވެސް ޚަތީބުންނަށް ގޮވާލައްވައިފަ އެވެ.