އޭޝިއަން ވޮލީބޯލް ކޮންފެޑެރޭޝަން (އޭވީސީ) ގެ ނައިބު ރައީސަކަށް ރާއްޖޭގެ ވޮލީބޯޅަ އެސޯސިއޭޝަންގެ ރައީސް މުހައްމަދު ލަތީފު އިންތިހާބުކޮށްފި އެވެ.
އޭޝިއާގެ ހަތަރު ޒޯނުން ނައިބު ރައީސުން އިންތިހާބުކުރާ އޭވީސީގެ ނައިބު ރައީސަށް ލަތީފް އިންތިހާބުވީ ސެންޓްރަލް ޒޯނުންނެވެ. އަދި އޭވީސީގެ އެޑްމިނިސްޓްރޭޓިވް ބޯޑްގެ ސަބްސްޓިޓިއުޓް މެންބަރެއްގެ ގޮތުގައި ވެސް އައްޑޫ ހިތަދު އަށް ނިސްބަތްވާ ލަތީފް ވަނީ ހަމަޖައްސައިފަ އެވެ.
ތައިލެންޑްގެ ވެރިރަށް ބެންކޮކްގައި ބޭއްވި އޭވީސިގެ ކޮންގްރެސްގައި، އެ ކޮންފެންޑެރޭޝަންގެ ރައީސަށް އިންތިހާބު ކުރީ ފިލިޕީންސްގެ ވޮލީ ފެޑެރޭޝަންގެ ރައީސް ރެމޯން ސުޒާރާ އެވެ.
އޭނަގެ އެކްސްކޯގެ ދައުރު ހަމަވާނީ 2028 ގަ އެވެ.