ބުރާސްފަތި ދުވަހުގެ ރޭ މާލޭގައި އަންހެނަކު ރަހީނުކޮށް، ކަރުގައި ވަޅި ޖައްސައިގެން ބިރު ދެއްކި އާދަމް އަތުހާރު ޝަރީއަތް ނިމެންދެން ބަންދު ކުރަން ކްރިމިނަލް ކޯޓުން މިއަދު އަމުރުކޮށްފި އެވެ.
ބަންދުގެ މުއްދަތު އިތުރު ކުރަން ފުލުހުންގެ ފަރާތުން ހުށަހެޅީ އޭނަގެ ޢައިރު ހާޒިރުގަ އެވެ. ނަމަވެސް ޑޮކްޓަރުންނާ ހަވާލާދީ ފުލުހުން ބުނީ 32 އަހަރުގެ ޒުވާނާގެގެ ހާލު މިހާރު ރަނގަޅު ކަމަށެވެ. ފުލުހުން ބުނީ އަތުހރު ޑޮކްޓަރަށް ދައްކައި މިހާތަނަށް ހަދާފައިވާ މެޑިކަލް ޓެސްޓުތަކާއި ސީޓީ ސްކޭންގެ ނަތީޖާއަށް ބަލާއިރު ޓެސްޓުތައް ނޯމަލް ކަމަށެވެ.
އަތުހާރަށް އަނިޔާވީ އޭނަގެ ރަހީނުގެ ޝިކާރައަކަސްވި އަންހެން މީހާ ސަލާމަތް ކުރުމުގެ ތެރޭގައި ފުލުހުން އަތުހާރު ބޮލުގައި މުގުރުން ޖެހުމުންނެވެ. އެ ހާދިސާއާ ގުޅިގެން އޭނަ އަށް ބުރާސްފަތި ދުވަހުގެ ރޭ އޭޑީކޭގައި ފަރުވާ ދިނެވެ. އަދި އިއްޔެ ހެނދުނު އަތުހާރު ފުލުހުންގެ ބެލުމުގެ ދަށަށް ގެންދިޔަ ފަހުން، ފިޓް ޖެހި ހާލު ދެރަވެ، އައިޖީއެމްއެޗްގެ އައިސީޔޫފައި ފަރުވާ ދިން ވާހަކަ ފުލުހުން މިއަދު ދޮގުކޮށްފައިވެ އެވެ.