"ޒުވާން ޚަޠީބުން" ގެ ދެވަނަ ޕްރޮގުރާމު 209 ޒުވާނުން ފުރިހަމަކޮށް ސެޓްފިކެޓް ހާސިލުކޮށްފި އެވެ.
އިސްލާމީ މަރުކަޒުގައި ރޭ ބޭއްވި ރަސްމިއްޔާތެއްގައި ޚަޠީބުންނަށް ސެޓްފިކެޓް ހަވާލުކޮށް ދެއްވީ ވަޒީރު ޑރ. މުޙައްމަދު ޝަހީމް އަލީ ސަޢީދާއި އިސްލާމީ މަރުކަޒުގެ އިސް އިމާމު ޝައިހް މުޙައްމަދު ލަޠީފާއި، އިސްލާމިކް މިނިސްޓްރީގެ ސްޓޭޓް މިނިސްޓަރު ޑރ. މޫސާ އަންވަރު ޙަސަންގެ އިތުރުން ފަތުވާ މަޖިލީހުގެ މެންބަރު އްޝައިޚް އިލްޔާސް ޙުސައިނެވެ.
އެ ރަސްމިއްޔާތުގައި ޝަހީމު ވިދާޅުވީ، "ޒުވާން ޚަޠީބުން" ޕްރޮގުރާމަކީ ރައީސް ޑރ. މުޙައްމަދު މުޢިއްޒުގެ އިރުޝާދާ އެކު، ކުރިއަށް ގެންދަވާ ޕްރޮގުރާމެއްކަ މަށާއި، މިހާތަނަށް 300 އަށް ވުރެ ގިނަ ޒުވާނުން މި ޕްރޮގުރާމު ފުރިހަމަކުރުމުން އެނގެނީ މި ޕްރޮގުރާމަކީ މުޖުތަމަޢުއަށް ބޭނުންތެރި ޕްރޮގުރާމެއްކަން ކަމަށެވެ.
މިނިސްޓަރު ވިދާޅުވީ މި ދައުރުގެ ތެރޭގައި 1،000 ޒުވާން ޚަޠީބުން ތަމްރީން ކުރުމަކީ އަމާޒެއް ކަމަށާއި އެ އަމާޒު ޙާސިލްވާނެމުގެ ފުރިހަމަ ޔަޤީންކަން ވެސް އޮތް ކަމަށެވެ.
ޝަހީމު ވަނީ ހަތީބުންގެ ދެވަނަ ޕްރޮގްރާމް ފުރިހަމަކޮށް ސެޓްފިކެޓް ހާސިލުކުރި ޚަޠީބުން ހޯދި މަތިވެރި ކާމިޔާބީއަށް މަރުހަބާ ވިދާޅުވެ އެ ރޮނގުން އިތުރަށް ކުރިއަށް ދިއުމަށާއި މުޖުތަމަޢު ބަލައިގަންނަ ފަދަ ބަޔަކަށްވުމަށް ވަނީ ނަޞޭޙަތްތެރިވެވަޑައިގެންފަ އެވެ.
މިނިސްޓަރު ވިދާޅުވީ މާ ލަސްތަމެއް ނުވެ މީގެ ތިން ވަނަ ޕްރޮގްރާމަށް ވެސް ހުޅުވާލައިފަ އެވެ.
"ޒުވާން ޚަތީބުން" ތަމްރީނު ކުރުމުގެ ފުރަތަމަ ބުރު ބޭއްވީ މި އަހަރުގެ ކުރީކޮޅު އެވެ. މީގެ މަގުސަަދަކީ ރާއްޖޭގައި އިމާމުވެ ހުކުރު ކުރާނެ ޒުވާން އާ ޖީލެއް ބިނާކުރުމެވެ.