މާލެ އަތޮޅު ހުވަފެންފުށި ރިސޯޓު ކައިރީ އޮންނަ ފިނޮޅަކަށް ހުކުރު ދުވަހު ދަތުރު ގޮސް އުޅެނިކޮށް ގެއްލިގެން ހޯދަމުން އަންނަ ތަސްލީމު މުހައްމަދު އަދިވެސް ނުފެންނަ ކަމަށް އެމްއެންޑިއެފުން ބުނެފ އެވެ.
އެތަނުން ބުނީ މ. އަސަރީ ހަނދާން، ތަސްލީމު، 43، ހޯދަންމިހާތަނަށް ބޮޑު ސަރަހައްދެއް ބަލާފައިވާ ކަމަށާއި ނަމަވެސް އޭނާ ގެއްލުނީ މޫދަށްކަން ވެސް ކަށަވަރު ނުވާ ކަމަށެވެ. އެމްއެންޑީއެފުން ބުނި ގޮތުގައި ތަސްލީމު ހޯދުމުގެ މަސައްކަތުން މިހާތަނަށް އޭނަ ދަތުރު ދިޔަ ފިނޮޅު ވަށައިގެން 5،000 އަކަފޫޓުގެ ސަރަހައްދެއް ސްނޯކަލްކޮށްގެން ބަލާފައިވާ ކަމަށެވެ. އަދި 3،000 އަކަފޫޓު ކަނޑުއަޑިން ޑައިވްކޮށްގެން ބަލާފައިވާ ކަމަށް ވެސް ބުންޏެވެ.
ފުލުހުން ބުނެފައިވާ ގޮތުގައި ތަސްލީމު އެންމެ ފަހުން ފެނިފައި ވަނީ ހުކުރު ދުވަހު ހެނދުނު 10:00-11:00 ހާއިރު ކަމަށް އޭނާއާ އެކު ދަތުރު ދިޔަ މީހުން މައުލޫމާތު ދީފައިވާ ކަމަށެވެ. އޭނަ ހޯދުމުގެ މަސައްކަތުގައި މިހާރު އެންމެ އިސްކޮށް ހަރަކާތްތެރި ވަނީ ފުލުހުންނެވެ.
ތަސްލީމަކީ އަކީ މާލެ ސިޓީ ކައުންސިލްގެ މުވައްޒަފެކެވެ.