ރައްޔިތުންގެ މަޖިލީސް އިދާރާގެ މުވައްޒަފުންނަށް ސީޕީއާރާއި ސްޓޭންޑާޑް ފަސްޓް އެއިޑް ކޯހެއް ފަށައިފި އެވެ.
މިދިޔަ މަހުގެ 27 އިން ފެށިގެން ހަ ދުވަހުގެ މުއްދަތަކަށް ކުރިއަށް ގެންދާ މި ކޯހުގައި އެ އިދާރާގެ އެކި ޑިޕާޓްމަންޓްތަކުގައި މަސައްކަތްކުރާ 20 މުވައްޒަފަކު ބައިވެރިވެ އެވެ.
މި ޕްރޮގްރާމުގައި ކާޑިއޯވަސްކިއުލާ ނިޒާމާއި، ނޭވާލާ ނިޒާމުގެ އިތުރުން، ސީޕީއާރު ދޭނެ ގޮތާއި، ހޭނެތިފަައިވާ މީހަކަށް ފަރުވާދޭނެ ގޮތާއި، ޒަޚަމްވެ ލޭއައުން ފަދަ ކަންކަން މެނޭޖްކުރުމާއި، ފިހުމުން ފަރުވާ ދޭންވީ ގޮތާއި އެއާ ގުޅުން ހުރި ފަސްޓް އެއިޑް މެނޭޖްމަންޓް ފަދަ ބައިތައް ކިޔައި ދޭނެ އެވެ. މީގެ އިތުރުން މެޑިކަލް އިމަޖެންސީތައް ކަމުގައިވާ ހާޓްއެޓޭކާއި، އެސްމައާއި، ސްޓްރޯކްގެ އިތުރުން، ކެޝުއަލްޓީ ކެރީސް އާއި، ހީޓް ސްޓްރޯކާއި، ހީޓް އެގްޒޯސްޝަން އަދި ހީޓް ކްރޭމްޕްސްގެ ބައިތައް ވެސް ވަނީ މި ޕްްރޮގްރާމުގައި އަހުލުވެރި ކުރުވާނެ އެވެ.
މިއީ މަޖިލިސް އިދާރާގައި ދިމާވެދާނެ ޞިއްޙީ ކުއްލި ހާލަތްތަކަށް ތައްޔާރުވުމުގެ ގޮތުން ކުރިއަށް ގެންދާ ކޯހެކެވެ. ކޯހުގައި ކިޔަވައި ދެނީ އެމްއެންޑީއެފް މެޑިކަލް ކޯގެ ޑޮކްޓަރުންނާއި މެޑިކުންނެވެ.