އިންޑިއާގެ މަޝްހޫރު ފިލްމީ ތަރި ދީޕިކާ ޕަދްކޯން އަލަތު ދަރިފުޅު ވިހާނީ މި މަހުގެ 28 ގައި ލަންޑަންގައި ކަމަށް މީޑިއާތަކުން ބުނެފި އެވެ.
އެކްޓަރު ރަންވީރުގެ އަންހެނުން ވިހާ ދުވަސް ކައިރިވަނުން އަންނަ އިރު، މީޑިއާތަކުން އަންނަނީ މިކަމަށް ވަރަށް ބޮޑު ސަމާލު ކަމެއް ދެމުންނެވެ. އެގޮތުން ބައެއް މީޑިއާތަކުން ބުނެފައިވާ ގޮތުގައި ދީޕިކާ މި މަހުގެ 28 ގައި ވިހާނެ ޑޮކްޓަރުން ދުރާލައި ބުނެފައިވާތީ ދެ ފަރާތުގެ އާއިލާ އިން އަންނަނީ މިކަމަށް ވަރަށް ބޮޑަށް ތައްޔާރުވަމުންނެވެ.
އެގޮތުން މި މަހުގެ ތެރޭގައި ދީޕިކާ އާއި ރަންވީރުގެ އާއިލާގެ މީހުން އިނގިރޭސިވިލާތަށް ފުރާނެ ކަމަށް މީޑިއާތަކުން ބުންޏެވެ. ބައެއް މީޑިއާތަކުން ރިޕޯޓްކޮށްފައިވާ ގޮތުގައި ދީޕިކާ އަށް ލިބެނީ ފިރިހެން ކުއްޖެކެވެ.
ބޮލީވުޑްގެ އެންމެ މަޝްހޫރު ދެމަފިރިންގެ ތެރޭގައި ހިމެނޭ ރަންބީރާއި ދީޕިކާ އަށް ދަރިޔަކު ލިބެން އުޅޭކަން އިއުލާންކުރީ މި އަހަރުގެ ފެބްރުއަރީ 29 ގަ އެވެ. އަދި ވިހާނީ މި މަހުގެ ތެރޭގައި އޭރު ވެސް ބުނެފައިވެ އެވެ.
ދީޕިކާ އާއި ރަންވީރު ކައިވެނިކުރީ 2018 ގަ އެވެ.