އެމެރިކާގެ ރެޕާއެއް ކަމަށްވާ ފެޓްމޭން ސްކޫޕް ޝޯއެއްގެ ތެރޭގައި ސްޓޭޖްމަތިން ވެއްޓި މަރުވެއްޖެ އެވެ.
މިދިޔަ ހުކުރު ދުވަހުގެ ރޭ ކަނެކްޓިކްޓްގެ ޓައުން ސެންޓަ ޕާކްގައި ބޭއްވި ޝޯގެ ތެރޭގައި 53 އަހަރުގެ ރެޕާ ސްޓޭޖުން ވެއްޓުމާ އެކީ ވަގުތުން އޭނަ އެމްބިއުލާންސްގައި ހޮސްޕިޓަލަށް ގެންގޮސް ފަރުވާ ދޭން ފެށި އެވެ. އަދި އޭނަ މަރުވީ ފަރުވާ ދެމުން ދަނިކޮށެވެ.
އާންމުންގެ ތެރޭގައި ވަރަށް ބޮޑު މަގުބޫލު ކަމެއް ހޯދާފައިވާ ފެޓްމޭން ސްކޫޕް ނުވަތަ އަސްލު ނަމުން ނަމަ އިސާކް ފްރީމަން ތިނެއް މަޝްހޫރު ބައެއް ފަންނާނުންތަކެއްގެ ލަވަތަކުގައި ވެސް ހިއްސާވެފައިވެ އެވެ. އޭގެ ތެރޭގައި މަރާ ކެރީގެ 1999 ގެ "އިޓްސް ލައިކް ދެޓް" އާއި މިސީ އެލިއަޓްގެ 2005 ގެ "ލޫޒް ކޮންޓްރޯލް" ހިމެނެ އެވެ.
ފެޓްމޭން ސްކޫޕްގެ މަރާ ގުޅިގެން ކަނެކްޓިކަޓްގެ މޭޔަރު ލޯރެން ގަރެޓް ވެސް ސޯޝަލް މީޑިއާގައި ހިތާމަ ފާޅުކުރައްވާފައިވެ އެވެ.