ރާއްޖޭގެ މަޝްހޫރު ޓްރެވެލް އެޖެންސީއެއް ކަމަށްވާ އިނަ މޯލްޑިވްސް މާލެ އޮފީސް އަދި އިތުރު އޮފީސްތަކެއް ފަޅާލި މައްސަލައިގައި މީހަކު ހައްޔަރު ކޮށްފިއެވެ.
ފުލުހުން މިއަދު ބުނެފައިވަނީ އިނަ މޯލްޑިވްސްގެ އައިލެންޑް ޗޮއިސް، އޭސް ޓްރެވެލްސް އަދި ޤަތަރް ކާގޯގެ އޮފީހަށް ގެއްލުންދީ ވައްކަން ކޮށްފައިވާ މައްސަލައިގެ ތުހުމަތުގައި މީހަކު ހައްޔަރު ކޮށްފައިވާ ކަމަށެވެ.
މި މައްސަލައިގައި ހައްޔަރު ކޮށްފައިވަނީ ރ. މީދޫ ބުލްބުލާގެ އަޒްމީލް މުހައްމަދުއެވެ. ފުލުހުން ބުނެފައިވަނީ އޭނާ ހައްޔަރު ކޮށްފައިވަނީ ރޭ ދަންވަރުގެ ވަގުތެއްގައި ކޯޓު އަމުރެއްގެ ދަށުން ކަމަށެވެ.
އިނަ މޯލްޑިވްސް މާލެ އޮފީސް ފަޅާލި މައްސަލައިގައި އެ ކުންފުނީގެ ވެރިޔާ މުހައްމަދު ފިރާގު ސޯޝަލްމީޑިއާގައި ވިދާޅުވީ، ވައްކަން ކުރަންވަތް މީހުން ތަނުގެ ބައެއް ތަންތަނަށް ގެއްލުން ދީފައިވާ ކަމަށެވެ.