ފަލަސްތީނުގައި އިޒްރޭލުން ހިންގަމުންސާ ގަތުލްއާންމާ ދެކޮޅަށް އަޑު އުފުލަމުން ދިޔަ އައިޝަތު ޝާދިޔާ އާއި ޑރ. ޝަޒްރާ އިބްރާހިމްގެ ބަންދަށް އިތުރު ފަސް ދުވަސް ޖެހުމާ ގުޅިގެނ އަދާލަތު ޕާޓީން އެކަމަށް ފާޑު ކިޔައިފި އެވެ.
އެ ޕާޓީން ބުނީ އެ ދެ މީހުންގެ ބަންދުގެ މުއްދަތު އިތުރުކުރީ މި ސަރުކާރުން އެދިގެން ކަމަށާއި ބޭނުމަކީ ފަލަސްތީނު ރައްޔިތުންނަށް ދޭ އަނިޔާތަކުގެ އަޑު ރާއްޖެއިން ކަނޑުވައިލުން ކަމަށެވެ. އަދި އެކަން އެ ޕާޓީން ކުށްވެރި ކުރާ ކަމަށް ވެސް ސޯޝަލް މީޑިއާ ޕޯސްޓެއްގައި އަދާލަތުން ބުންޏެވެ.
"މިއީ ފަލަސްތީނުގެ ރައްޔިތުންނަށް ދޭ އަނިޔާތަކުގެ އަޑު ރާއްޖެއިން ކަނޑުވާލުމަށް މި ސަރުކާރުން ހިންގާ ލާއިންސާނީ އަމަލެއް ކަމުގައި މި ޕާޓީއިން ދެކެން." އަދާލަތުން ބުންޏެވެ.
ޕޯސްޓުގައި ބުނެފައިވެ އެވެ
ޝާދިޔާ އާއި ޝަޒްރާ ހައްޔަރުކުރީ އެއްވެ އުޅުމުގެ މިނިވަންކަމުގެ ގާނޫނާ ހިލާފަށް ޑިޕްލޮމެޓިކް މިޝަންތަކުގެ ކައިރިއަށް ތަކުރާރުކޮށް އެއްވެ، ވަކި ސަފީރަކަށް އުނދަގޫވާ ގޮތަށް އަމަލުކޮށް، ފުލުހުންގެ ވާޖިބަށް ހުރަސް އެޅުމުން ކަމަށް ފުލުހުން ބުނެފައިވެ އެވެ.
އެ ދެ މީހުން ހައްޔަރުކުރީ މިދިޔަ މަހުގެ 28 ގަ އެވެ. އަދި ދެ މީހުންގެ ބަންދަށް ފުރަތަމަ ޖެހި ތިން ދުވަސް މިއަދު ހަމަވުމުން ބަންދަށް ފަސް ދުވަސް އިތުރުކުރީ މިއަދެވެ.
ޝާދިޔާ އަކީ ޑރ. މުހައްމަދު އިޔާޒްގެ އަނބިކަނބަލުންނެވެ.
ޝާދިޔާ އާއި އަޒުރާ ހައްޔަރު ކުރުމުން އެމްޑީޕީން ވެސް ކަންބޮޑުވުން ފާޅުކޮށް، އެ މީހުން ދޫކުރަން ގޮވާފައިވެ އެވެ.