ޗައިނާގެ އެކީގައި ރާއްޖޭގެ އެކި އެކި ހިސާބުތަކުގެ ކައުންސިލް އިދާރާތައް އިމާރާތް ކުރަން ހިންގާ މަޝްރޫއު ފަށާނީ އަންނަ އަހަރުގެ ތެރޭގައި ކަމަށް އިދާރީ ދާއިދާތަކާ ބެހޭ މިނިސްޓްރީން ބުނެފި އެވެ.
އެ މިނިސްޓްރީގެ ސްޓޭޓް މިނިސްޓަރު އަހުމަދު ރަޝީދު ވިދާޅުވީ ކުރިން ތާވަލު ކުރެވިފައިވާ ގޮތައް މި އަހަރު މަސައްކަތްތައް ކުރިއަށް ނުގެންދެވޭ ގޮތްވީ ރާއްޖޭގެ އިގިތިސާދީ ހާލަތާ ގުޅިގެން ދިމާވި ބަޖެޓުގެ ތާށިކަމާ ގުޅިގެން ކަމަށެވެ. އެހެންވެ ސަރުކާރުން މިހާރު ނިންމާފައި ވަނީ ޗައިނާ ސަރުކާރުން ދޭ ގްރާންޓެއްގެ ތެރެއިން އަންނަ އަހަރު މަޝްރޫއު ފަށަން ކަމަށް ވިދާޅުވި އެވެ.
ރަޝީދު ވިދާޅުވީ ކައުންސިލް އިދާރާތައް އިމާރާތް ކުރުމުގެ މަސައްކަތް އަންނަ އަހަރުގެ ޖެނުއަރީ މަހުގެ ތެރޭގައި ފެށޭނެ އެވެ.
ކައުންސިލް އިދާރާތައް އިމާރާތް ކުރަން 50 ރަށެއް އޮތީ ކަނޑައަޅައިފަ އެވެ.
* ހއ. އަތޮޅު: ވަށަފަރު، ދިއްދޫ، އިހަވަންދޫ
ހދ. އަތޮޅު: ކުމުންދޫ، ނޭކުރެންދޫ، ވައިކަރަދޫ
ށ. އަތޮޅު: ކޮމަންޑޫ، ފޭދޫ، ގޮއިދޫ، ނަރުދޫ
ނ. އަތޮޅު: ހެނބަދޫ، ޅޮހި، ފޮއްދޫ، މަނަދޫ، މަގޫދޫ، ލަންދޫ
ރ. އަތޮޅު: ވާދޫ، ހުޅުދުއްފާރު
ބ. އަތޮޅު: ކަމަދޫ، ކުޑަރިކިލު، ފެހެންދޫ، އޭދަފުށި، ތުޅާދޫ، ކިހާދޫ
ޅ. އަތޮޅު: ކުރެންދޫ
ކ. އަތޮޅު: ހިންމަފުށި، ކާށިދޫ، ގުރައިދޫ، ތުލުސްދޫ، ގާފަރު
އދ. އަތޮޅު: ކުނބުރުދޫ، މަހިބަދޫ، ފެންފުށި
މ. އަތޮޅު: މުލި، ދިއްގަރު، މުލައް
ފ. އަތޮޅު: ފީއަލި
ދ. އަޮތޮޅު: ހުޅުދެލި، ބަނޑިދޫ
ތ. އަތޮޅު: އޮމަދޫ، ގާދިއްފުށި، ބުރުނީ، ގުރައިދޫ، ވޭމަންޑޫ
ލ. އަތޮޅު: މާބައިދޫ، ކުނަހަންދޫ، މާވަށް
ގއ. އަތޮޅު: މާމެންދޫ، ނިލަންދޫ
ގދ. އަތޮޅު: މަޑަވެލި
މިދިޔަ އަހަރުގެ ބަޖެޓުގައި ހިމަނައިގެން 26 ރަށެއްގެ ކައުންސިލު އިދާރާތައް އެޅުމުގެ މަސައްކަތް ވެސް މިހާރު ވެސް އަންނަނީ ކުރަމުންނެވެ. އެއީ ޕީއެސްއައިޕީގެ ތެރެއިންނެވެ.