ގައުމީ ޔުނިވަސިޓީގެ ފުރަތަމަ މެރަތަން އަންނަ އަހަރު ބާއްވަން ނިންމައިފި އެވެ.
މިކަން އިއުލާންކުރަން އިއްޔެ ބޭއްވި ހަފުލާފައި ވަނީ އަންނަ އަހަރުން ފެށިގެން ދެން ކޮންމެ އަހަރަކު ވެސް މެރަތަން ބާއްވަން ނިންމައިފަ އެވެ.
އެގޮތުން އަންނަ އަހަރު ބާއްވާ "އެމްއެންޔޫ މެރަތަން" ކުރިއަށް ގެންދަން ހަމަޖެހިފައި ވަނީ ފެބްރުއަރީ މަހުގެ 20 އާއި 21 ގަ އެވެ.
ޔުނިވަސިޓީގެ ވައިސް ޗާންސެލަރު، ޑރ. އައިޝަތު ޝެހެނާޒު އާދަމް ވިދާޅުވީ މެރަތަން އިންތިޒާމް ކުރަނީ އެމްއެންގެ ވިޔަފާރި ކުންފުނި "ޔުނިވިޔަ ހޯލްޑިން" އިން ކަމަށެވެ. އެގޮތުން މެރަތަން ބާއްވާނީ މަޝްހޫރު ފިޓްނެސް ސެންޓަރު ޓީއެފްޖީއާ ގުޅިގެންނެވެ.
އެމްއެންޔޫ އިން ބުނީ ފެބްރުއަރީ 20 ގައި ބާއްވަނީ "ކިޑްސް ޑޭސް" ގެ ނަމުގަ އުމުރުން 4-7 އަހަރާ ދެމެދުގެ ކުދިންނަށް އަމާޒުކޮށް ގެންދާ ފަން މެރަތަން ކަމަށެވެ. އެ މެރަތަން ފަށާނީ މެންދަތު 2:00 ގަ އެވެ. އެ މެރަތަން ކުރިއަށް ގެންދާ ނީ ހަތަރު ކެޓަގަރީއަކަށެވެ. އެއީ ހާފް މެރަތަން އާއި ފަސް ކިލޯމީޓަރާއި 10 ކިލޯމީޓަރެވެ.
މިއިން ކޮންމެ ކެޓަގަރީއަކުން އެންމެ އަވަހަށް ނިންމާ ފިރިހެން އަދި އަންހެން ތިން ދުވުންތެރިންނަށް 3،000-10،000ރ. އާ ދެމެދުގެ ފައިސާގެ އިނާމެއް ލިބޭނެ އެވެ.
"އެމްއެންޔޫ މެރަތަން" ގައި ބައިވެރިވާން މިހާރު އޮތީ ހުޅުވާލައިފަ އެވެ.