ރާއްޖޭގެ އެކި ހިސާބުތަކުގައި އުފައްދާ ދަނޑުވެރިކަމުގެ ބާވަތްތައް އަވަހަށް އަދި ފަސޭހަކޮށް ވިއްކައި ދަނޑުވެރިންގެ އުފެއްދުންތަކަށް ރަނގަޅު މާކެޓް ހޯދައި ދިނުމާ ގުޅޭ ގޮތުން ދަނޑުވެރިކަމާ ބެހޭ މިނިސްޓަރު ޑރ. އައިޝަތު ރަމީލާ، ހގައުމީ އެއާލައިން މޯލްޑިވިއަން އޮޕަރޭޓްކުރާ އައިލޭންޑް އޭވިއޭޝަން ސާވިސެސް އައިއޭއެސް) އާ ބައްދަކު ކުރައްވައިޮ މަޝްވަރާ ކުރައްވައިފި އެވެ.
އެ ކުންފުނީގެ މެނޭޖިން ޑިރެކްޓަރު އިބްރާހިމް އިޔާސްއާ އެކީ ބޭއްވި މަޝްވަރާ ބައްދަލުވުމުގައި މިނިސްޓަރު ރަމީލާއާ އެކީ ޓްރާންސްޕޯޓް މިނިސްޓަރު މުހައްމަދު އަމީން ވެސް ބައިވެރިވެވަޑައިގަތެވެ.
އެ ބައްދަލުވުމުގައި ރާއްޖޭގެ އެކި ސަރަހައްދުތަކުން އެއާ ކާގޯ މެދުވެރިކޮށް މޭވާ އާއި ތަރުކާރީ އުފުލުމުގައި ހުރި ގޮންޖެހުންތަކާ ގުޅޭ ގޮތުން މަޝްވަރާކޮށްފައިވެ އެވެ. އެގޮތުން ރާއްޖޭގެ އެކި ކަންކޮޅުތަކުގައި އުފައްދާ މޭވާ އާއި ތަރުކާރީ އަވަހަށް މާލެއަށް ގެންދަން ހުރި ދަތިތައް ޙައްލުކުރުމާ ގުޅޭ ގޮތުން މަޝްވަރާކޮށްފައިވެ އެވެ.
މިނިސްޓްރީން ބުނީ މިއީ ރާއްޖޭގެ ދަނޑުވެރިކަމުގެ ދާއިރާ ކުރިއެރުވުމަށާއި، ރަށްރަށުގައި އުފައްދާ ތާޒާ މޭވާ އާއި ތަރުކާރީ އަވަހަށް މާރުކޭޓަށް ގެނައުމަށް މަގުފަހިވާނެ އެޅޭނެ މުހިންމު ފިޔަވަަޅަކަށް ވާނެ ކަމަށް ބެލެވޭ ކަމަށެވެ. އަދި މިއީ ރާއްޖޭގެ ކާބޯތަކެތީގެ ރައްކާތެރިކަން އިތުރުވެ، ދަނޑުވެރިންނަށް އިތުރު ފުރުޞަތުތަކެއް ހުޅުވިގެން ދާނެ ކަމެއް ކަމަށް ވެސް މިނިސްޓްރީން ފާހަގަކޮށްފައިވެ އެވެ.
ރާއްޖޭގެ ދަނޑުވެރިންގެ އެންމެ ބޮޑު ޝަކުވާ އަކީ އަބަދު ވެސް އުފައްދާ ތަކެތި ފަސޭހަ އިން އަވަހަށް ވިއްކޭގެ އިންތިޒާމުތަކެއް ހަމަޖެހިފައި ނެތުމެވެ.