މޯލްޑިވިސް ޕޮލިޓެކްނިކްގެ ދަރިވަރުންތަކެއް، އެ މީހުންގެ 'ފައިނަލް ޕްރޮޖެކްޓް' ގެ ގޮތުގައި ތިމާވެއްޓާ ރައްޓެހި، އިލެކްޓްރިކް ގޯ-ކާޓެއް އުފައްދައިފި އެވެ.
އެ އުފައްދާފައި ވަނީ ޑިޕްލޮމާ އިން އޮޓޯމޭޓިވް އިންޖީނިއަރިން ކިޔަވާ ދެ ދަރިވަރުން ކަމަށްވާ މުޙައްމަދު ޝިފާނާއި މުޙައްމަދު އާނިފެވެ. އެ ދަރިވަރުން ބުނީ އިންޖީނު އެޅި ގޯ-ކާޓްއެއްގެ ބަދަލުގައި،،ތިމާވެއްޓާ ރައްޓެހި އިލެކްޓްރިކް ގޯ-ކާޓްއެއް އުފައްދާފައި ވަނީ ޕޮލިޓެކްނިކްގައި ކިޔަވައި ދެއްވާ މުދައްރިސުންގެ ލަފަޔާއި އިރުޝާދުގެ މަތިންނެވެ.
ޕޮލިޓެކްނިކްގެ އަމާޒަކީ ރާއްޖޭގެ އެކި ދާއިރާތަކުން މިފަދަ އުފެއްދުންތެރި، މަސައްކަތްތެރި ޒުވާނުން ބިނާކުރުމެވެ. އެގޮތުން، އާރޓިޓެކްޗަ، ސިވިލް އިންޖީނިއަރިން، އިންފޮމޭޝަން ޓެކްނޮލޮޖީ، ޕްރޮގްރާމިން، ސްމޯލް ބިޒްނަސް މެނޭޖްމަންޓް، ވެލްޑިން، ވުޑް ކާވިން ފަދަ ތަފާތު އެކި ދާއިރާތަކުން ޢަމަލީ ގޮތުން ތަމްރީނުވުމުގެ ފުރުސަތު ޕޮލިޓެނިކުން ފަހިކޮށް ދެ އެވެ.