ރައީސުލްޖުމްހޫރިއްޔާ ޑރ. މުހައްމަދު މުއިއްޒު، ޔޫއޭއީގެ ރައީސް ޝެއިހް މުހަައްމަދު ބިން ޒައިދް އަލް ނަހްޔާން އަށް ފޮނުއްވެވި ސިޓީފުޅެއް، ފޮރިން މިނިސްޓަރު މޫސާ ޒަމީރު، ޔޫއޭއީގެ ފޮރިން މިނިސްޓަރު ޝެއިޚް ޢަބްދުالله ބިން ޒައިދު އަލް ނަޙްޔާނަށް އަރުވައިފި އެވެ.
ފޮރިން މިނިސްޓްރީން ބުނީ ޔޫއޭއީގެ ފޮރިން މިނިސްޓްރީގައި އިއްޔެ ބޭއްވި މި ބައްދަލުވުމުގައި އެގައުމުގެ ފޮރިން މިނިސްޓަރާއި ބައްދަލުކުރައްވާ ރައީސް މުއިއްޒު ޔޫއޭއީގެ ރައީސަށް ފޮނުއްވެވި ސިޓީފުޅެއް ހަވާލުކުރައްވާފައިވާ ކަމަށެވެ.
މި ބައްދަލުވުމުގައި ރާއްޖެ އާއި ޔޫއޭއީގެ ގުޅުން އިތުރަށް ވަރުގަދަ ކުރުމާ ގުޅޭގޮތުން މަޝްވަރާ ކުރެވުނު ކަމަށް މިނިސްޓްރީން ބުނެ އެވެ.
ޔޫއޭއީ އަށް ޒަމީރު ކުރައްވާ ރަސްމީ ދަތުރުފުޅުގައި އިއްޔެ ވަނީ އަބޫދާބީ ފަންޑް ފޯ ޑިވެލޮޕްމަންޓްގެ ޑިރެކްޓަރު ޖެނެރަލް، މުހައްމަދު ސައިފް އަލް ސުވައިދީއާ ވެސް ބައްދަލުކުރައްވާފަ އެވެ.
މިނިސްޓަރ ޒަމީރުގެ މި ދަތުރުފުޅަކީ ރާއްޖެއާއި ޔޫއޭއީއާ ދެމެދު އޮންނަ ގާތް، ރަޙްމަތްތެރިކަމުގެ ގުޅުން އިތުރަށް ހަރުދަނާކޮށް، ބަދަހިކުރުމަށް އެޅޭ މުހިންމު ފިޔަވަޅެއް ކަމަށް މިނިސްޓްރީން ބުނެ އެވެ.