ޤައުމިއްޔަތުގެ ނަމުގައި ފިތުނައަށް ޖާގަ ދީގެން ނުވާނެ ކަމަށް އެމްޑީޕީގެ ރައީސް އަބްދުﷲ ޝާހިދު ވިދާޅުވެއްޖެ އެވެ.
މިއަދު ފާހަގަކުރަމުންދާ ގައުމީ ދުވަހާއި ގުޅިގެން ޝާހިދު "އެކްސް"ގައި ކުރެއްވި ޕޯސްޓެއްގައި ވިދާޅުވީ ދިވެހި ޤައުމިއްޔަތު ބިނާކުރެވިފައިވަނީ އެކުވެރިކަމާއި އެއްބައިވަންތަކަމުގެ މައްޗަށް ކަމަށާއި ދިވެހިންނަކީ އެއްދީނެއްގައި ތިބި، އެެއްބަހަކުން ވާހަކަ ދައްކާ، އެއް ނަސްލެއްގެ އެއްބައެއް ކަމަށެވެ. މިއީ ދުނިޔޭގެ މަދުބަޔަކަށް ނޫނީ ލިބިފައިނުވާ މަތިވެރި ނަސީބެއް ކަމަށް ވިދާޅުވި އެވެ.
"ޤައުމިއްޔަތުގެ ނަމުގައިވިޔަސް އަޅުގަނޑުމެންގެ މެދުގައި ބައިބައިވުން އުފައްދައި، ފިތުނައާއި ނަފުރަތު ފެތުރުމަށް ޖާގަ ދެވިގެންނުވާނެ،" ޝާހިދު ވިދާޅުވި އެވެ.
ޝާހިދު ވަނީ ގައުމިއްޔަތުގެ ނަމުގައި ބައިބައިވުމާއި ފިތުނަ އަށް ޖާގަ ދިނުން ވެގެންދާނީ ގައުމިއްޔަތަށް އޮތް އެންމެ ބޮޑު ނުރައްކާ ކަމަށްވެސް ވިދާޅުވެފަ އެވެ.
ކޮންމެ އަހަރެއްގެ ރަބީއުލް އައްވަލް މަހުގެ 1 ވަނަ ދުވަހު ރާއްޖޭގެ ގައުމީ ދުވަސް ފާހަގަކުރަނީ އައްސުލްތާން މުހައްމަދު ތަކުރުފާނުލް އައުޒަމް ޕޯޗްގީޒުންގެ އަތްދަށުން ހިރާއްޖެ ސަލާމަތްކުރެއްވި ޒިކުރާ އާކުރުމުގެ ގޮތުންނެވެ.