މީގެ ކުރިން ވެސް ފަސް ފަހަރެއްގެ މަތިން މަސްތުވާތަކެއްޗާއި މަކަރާއި ހީލަތް ހެދުމުގެ މައްސަލަތަކެއްގައި ފުލުހުން ހޯދަން އިއުލާންކުރި އައްޑޫ ހިތަދޫ މުޙައްމަދު ނާޝިދު އެފަދަ މައްސަލައެއްގައި ހޯދަން އަނެއްކާ ވެސް އިއުލާންކޮށްފި އެވެ.
ފުލުހުން ބުނީ ހިތަދޫ އުނިތޮށިގޭ ނާޝިދު، 54، ހޯދަނީ ހުޅުމީދޫ ޕޮލިސް ސްޓޭޝަނުން ތަހުގީގު ކުރަމުން އަންނަ މަކަރާއި ހީލަތުގެ މައްސަލައެއްގެ ތަހުގީގަށް ހާޒިރުކުރުމަށް ބޭނުންވެ، އުޅޭ ވަކި ތަނެއް ނޭނގުމުގެ ސަބަބުން ތަހުގީގަށް ހާޒިރުވުމަށް ޗިޓު ރައްދުކުރެވިފައި ނުވާތީ ކަމަށެވެ.
އެހެންވެ މި މަހުގެ 11 ވަނަ ދުވަހުގެ ހެނދުނު 10:00 ހުޅުމީދޫ ޕޮލިސް ސްޓޭޝަނަށް ނާޝިދު ހާޒިރުވާން އަންގާފައިވެ އެވެ.