ދިވެހި ގައުމިއްޔަތުގެ އިސްވަރު ރައީސް ޑރ. މުހައްމަދު މުއިއްޒު އިފުތިތާހުކޮށް ދެއްވައިފި އެވެ.
އެ އިފުތިތާހުކުރީ ގައުމީ ދުވަސް ފާހަގަ ކުރަން މިއަދު ހެނދުނު ދަރުބާރުގޭގައި ބޭއްވި ރަސްމީ ޖަލްސާގެ ތެރޭގަ އެވެ.
ދިވެހި ގައުމިއްޔަތު އިސްވަރަކީ ރައީސް އެކަށައަޅުއްވާފައިވާ ދިވެހި ގައުމިއްޔަތު އިއާދަކުރުމުގެ ގައުމީ ނިޒާމުގެ މުހިންމު އެއް ގުނަވަނެވެ. އިސްވަރު އެކުލެވިގެންވަނީ މައިގަނޑު ފަސް ދާއިރާއެއްގެ މައްޗަށެވެ. އެއީ ދިވެހި ބަހާއި ދިވެހި ތާރީހާއި ދިވެހި ތަރިކަ އާއި ދިވެހި ސުމޭކު އަދި ދިވެހި ފަންނުގެ ދާއިރާ އެވެ.
ދިވެހި ގައުމިއްޔަތު އިސްވަރު ކައުންސިލުގެ އިސްވާރުން:
* ދިވެހި ބަހުގެ އިސްވާރު: މަރްޔަމް ތައުފީގާ
* ދިވެހި ތާރީހުގެ އިސްވާރު: އަލްއުސްތާޒު ކަށިމާ އަހުމަދު ޝާކިރު
* ދިވެހި ތަރިކައިގެ އިސްވާރު: ހަސަން ޒަރީރު
* ދިވެހި ސުމޭކުގެ އިސްވާރު: މުހައްމަދު އަބްދުލްގާދިރު
* ދިވެހި ފަންނުގެ އިސްވާރު: މަރްޔަމް އިޝާ އަޒީޒް
ދިވެހި ގައުމިއްޔަތު އިސްވަރު ކައުންސިލުގެ ބޭފުޅުންނަށް އިސްވާރުކަން ހަވާލުކޮށް ދެއްވީ ރައީސް އެވެ.