ދިވެހީން ތިބީ ދިވެހީންގެ ވާހަކަ ދައްކަވާނެ ވެރިއެއްގެ އިންތިޒާރުގައި ކަމަށާއި، ރައީސް ޑރ. މުޙައްމަދު މުޢިއްޒަކީ އެފަދަ ބޭފުޅެއް ކަމަށް ބަހާ ބެހޭ މިނިސްޓަރު އާދަމް ނަޞީރު އިބްރާހީމް ވިދާޅުވެއްޖެ އެވެ.
ގައުމީ ދުވަސް ފާހަގަކުރަން މިއަދު ބޭއްވި ރަސްމީ ޖަލްސާގައި އޭނަ ވިދާޅުވީ ދިވެހިންގެ ޒަމާންވީ ރަނގަޅު ސިފަތަކާއި ދިވެހިންގެ އަސްލުވަންތަކަމާއި ހުނަރުތައް އިޢާދަކުރެއްވުމަށް ރައީސް ޚާއްސަ އިސްކަމެއް ދެއްވާ ކަމަށެވެ.
ނަސީރު ވިދާޅުވީ ދިވެހި ޤައުމިއްޔަތުގެ ބަހާތައް ދިރުވުމަށާއި ދިވެހިންގެ އަމިއްލަވަންތަކަމާއި ތާރީޚުގެ ޢިލްމު ދިރުވާ އާލާކުރުމަށް ގިނަ ބަޔަކު މިހާރު ޝައުގުވެރިކަން ހުންނަ ކަމަށެވެ.
"އަޅުގަނޑު ގާތު މީހަކު ދެންނެވި އަޅުގަނޑުމެން މިތިބީ ޤައުމިއްޔަތަށާއި ދިވެހިން އަސްލުވަންތަކަން އަލުން އިޢާދަކުރައްވާނެ ރައީސެއްގެ އިންތިޒާރުގައޭ،" އޭނަ ވިދާޅުވި އެވެ. "ރައީސް މުޢިއްޒަކީ އެފަދަ ބޭފުޅެއް."