އިންޑިއާގެ ބެންގަލޫރުގެ ހުންނ އެންޔޫ ހޮސްޕިޓަލުން ފަރުވާ ހޯދަމުހް އަންނަ ދިވެހިންނާ ރާއްޖެއިން އިންޑިއާ އަށް ކަނޑައަޅުއްވާފައި ހުންނަވާ ސަފީރު އިބްރާހީމް ޝަހީބު ބައްދަލު ކުރައްވައި އެ މީހުންގެ ހާލުބައްލަވާލައްވައިފި އެވެ.
ސަފީރު އިއްޔެ ހެނދުނު އެ ހޮސްޕިޓަލްއަށް ކުރެއްވި ޒިޔާރަތުގައި، ހޮސްޕިޓަލްގައި އެޑްމިޓްކޮށްފައިވާ ދިވެހިންގެ އިތުރުން އެ ހޮސްޕިޓަލްއަށް ފަރުވާ ހޯއްދެވުމަށް ގޮސް ތިއްބެވި ދިވެހިންނާ ބައްދަލުކުރެއްވި އެވެ. ފޮރން މިނިސްޓްރީން ބުނީ ސަފީރު އެންޔޫ ހޮސްޕިޓަލަށް ޒިޔާރަތް ކުރެއްވީ، އެ ހޮސްޕިޓަލްގެ އިސް ބޭފުޅުންނާ ބައްދަލުކުރައްވައި، އެ ހޮސްޕިޓަލްއިން ފޯރުކޮށް ދެމުންދާ ހިދުމަތްތައް ބައްލަވާލެއްވުމަށްޓަކައި ކަމަށެވެ.
އެންޔޫ ހޮސްޕިޓަލަކީ ދިވެހިން އެންމެ ގިނައިން އޯގަން ޓްރާންސްޕްލާންޓް ހެދުމަށްދާ ހޮސްޕިޓަލެވެ. އެގޮތުން މި އަހަރުގެ މިހާތަނަށް އެ ހޮސްޕިޓަލުން 9 މީހަކު އޯގަން ޓްރާންސްޕްލާން ހަދާފައިވެ އެވެ.