އައްޑޫގެ ގެސްޓްހައުސްތަކަށް އަންނަ ޓޫރިސްޓުންނަށް ހާއްސަކޮށްގެން ފޭދޫގައި ހަދާ ބީޗްގެ މަސައްކަތް ވަރަށް އަވަހަށް ނިމޭނެ ކަމަށް ކައުންސިލުން ބުނެފި އެވެ.
އެތަނުގެ މަސައްކަތްކަތްތައް މިހާރު ބާރަށް ކުރިއަށްދާ ކަމަށް ކައުންސިލުންނެވެ. މި ބީޗް ހަދަނީ ކުރިން ފޭދުއާ ވަކިން އޮތް އެކަމަކު ފޭދޫ ވަށައިގެން 2016 ގައި ބިން ހިއްކި ރަށުގެ އުތުރު ފަރާތުގައި ފަޅުރަށެއް ކަމަށްވާ ދިގިހެރައި ފުއްޓަރު ސަރަހައްދުގަ އެވެ.
ފޭދޫގެ މި ސަރަައްދަކީ "ސަން ސެޓް" ބީޗްގެ ނަން ދީފައިވާ ޓޫރިޒަމް ޒޯނާ ވެސް ގުޅިފައިވާ ސަރަހައްދެވެ. އެތަނުގައި މިހާރު އަންނަނީ ގެސްޓްހައުސްތަކެއް ވެސް ތަރައްގީ ކުރަމުންނެވެ.
ދިގުހެރަ ސަރަހައްދުގައި ޓޫރިސްޓުންނަށް ހާއްސަ ހިތްގައިމު ބީޗެއް ހެދުމުގެ ވާހަކަ ކައުންސިލުން ދައްކަން ފެށީ 2022 ގެ ތެރޭގަ އެވެ. އެގޮތުން އެތަނުގެ މަސައްކަތްތަކެއް އެ އަހަރުގެ ފަހުކޮޅު ފަށައި، މިދިޔަ އަހަރުގެ ޖެމުއަރީ މަހުގެ ތެރޭގައި ބީޗް ނިންމާނެ ކަމަށް ވެސް އޭރު ބުނެފައިވެ އެވެ.
އައްޑޫގައި ޓޫރިސްޓުން އެރޭނެ ބީޗް ނެތުމަކީ ގެސްޓްހައުސް ހިންގާ މީހުންގެ އެންމެ ބޮޑު އެއް ޝަކުވާ އެވެ.