ފްރާންސްގެ ޕެރިސްގައި މިހާރު ކުރިއަށްދާ މި އަހަރުގެ ޕެރަލިމްޕިކްސްގައި ވާދަކުރި ދިވެހި ދެ އެތުލީޓުން ބޮޑު ކުރިއެރުމެއް ހޯދައިފި އެވެ.
މި ފަހަރު ދިވެހިރާއްޖެ ތަމްސީލުކުރީ ދެ ދުވުންތެރިން ކަމަށްވާ ފާތިމަތު އިބްރާހީމް (ފާތުން) އާއި އަބްދުއްރައްޒާގު އަބްދުއްސަމަދު އެވެ. ފާތުން ވާދަކޮށްފައިވަނީ 100 މީޓަރު ދުވުމުގަ އެވެ. އޭނާ ވަނީ 17:10 ސިކުންތުން ރޭސް ނިންމައި އެ އިވެންޓުގައި ގައުމީ ރެކޯޑެއް ވެސް ހަދައިފަ އެވެ.
ރައްޒާގު ވާދަކޮށްފައި ވަނީ ޓީ11-ޓީ13ގެ 100 މީޓަރު ދުވުމުގަ އެވެ. އޭނަ ވަނީ 14.46 ސިކުންތުން ރޭސް ނިންމައި، އޭނާގެ ކެރިއަރުގެ ބެސްޓް ޓައިމިން ހާސިލްކޮށްފަ އެވެ.
ފާތުން އާއި ރައްޒާގު ވަނީ މިދިޔަ އަހަރު މަޑަގަސްކަރައިގައި އޮތް އިންޑިއަން އޯޝަން އައިލެންޑް ގޭމްސްގައި ވާދަކޮށް ބްރޯންޒް މެޑަލް ވެސް ހޯދި އެވެ.
މިދިޔަ މަހުގެ 28 ގައި ފެށި ޕެރަލިމްޕިކްސް އަށް ކުރިއަށް ދާނީ މި މަހުގެ 8 އާ ހަމައަށެވެ.
މި އަހަރުގެ އޮލިމްޕިކްގައި ވެސް ރާއްޖެ ހަތަރު ކުޅިވަރަކުން ވާދަކުރި އެވެ.