އަންހެނެއްގެ ކަރުގައި ވަޅި ޖައްސައިގެން ބިރު ދެއްކި މައްސަލާގައި ހައްޔަރުކޮށްފައި ވަނިކޮށް އަމިއްލަ އަށް މަރުވި އާދަމް އަތުހަރުގެ ޕޯސްޓްމޯޓަމް ހެދުމަށް ހަށީގަނޑު ރާއްޖެއިން ބޭރަށް ފޮނުވައިފިއެވެ.
އަތުހަރު ނިޔާވެފައިވަނީ ދަންޖެހެން މަސައްކަތް ކުރުމުން އައިޖީއެމްއެޗްއަށް ގެންގޮސް ވެންޓިލޭޓަރުގައި ފަރުވާ ދެމުންދަނިކޮށް ސެޕްޓެމްބަރު 2 ވަނަ ދުވަހުއެވެ.
ފުލުހުން މިއަދު ބުނެފައިވަނީ އާދަމް އަތުހަރުގެ ހަށިގަނޑު ޕޯސްޓްމޯޓަމް ހެދުމަށް މިއަދު ހެނދުނު ރާއްޖެއިން ބޭރަށް ފޮނުވާފައިވާ ކަމަށެވެ. އަދި މާދަމާ ޕޯސްޓްމޯޓަމް ހެދުމަށް ހަމަޖެހިފައިވާ ކަމަށެވެ.
ށ. މިލަންދޫ އަށް ނިސްބަތްވާ 32 އަހަރުގެ އަތުހަރު ފުލުހުންގެ ބެލުމުގެ ދަށަށް ގެންދިޔައީ ބުރާސްފަތި ދުވަހުގެ ރޭ މާލޭގައި އޭނަ އަންހެނަކު ރަހީނުކޮށް، ކަރުގައި ވަޅި ޖައްސައި ބިރު ދައްކައިގެން ފިލަން މަސައްކަތް ކުރަނިކޮށް ދަނިކޮށް، ފުލުހުން މުގުރިއަކުން ބޮލުގައި ޖަހައި ޒަހަމްކޮށްލުމަށް ފަހުއެވެ. ބޮލުގައި މުގުރުން ޖެހުމުން އޭނާއަށް ހޮސްޕިޓަލުގައި ފަރުވާދީފައިވެސްވެއެވެ.