ޕޮލިސް ކޮމިޝަނަރު އަލީ ޝުޖާއުގެ ބައްޕަ ޢަބްދުއްސަލާމް ޢަލީ ނިޔާވެއްޖެ އެވެ.
އޭނަ މިއަދު ހެނދުނުގެ ވަގުތެއްގައި ނިޔާވުމާ ގުޅިގެން ރައީސް ޑރ. މުހައްމަދު މުއިއްޒު ވެސް ސޯޝަލް މީޑިއާގައި އާއިލާ އަށް ތައުޒިޔާ ވިދާޅުވެފައިވެ އެވެ. ރައީސް ވިދާޅުވީ ހއ.ހޯރަފުއްޓަށް ނިސްބަތްވާ އަބްދުއްސަލާމް އަކީ އެ ރަށުގައި އިމާމުވެ ނަމާދު ކުރުމުއި ދިގު މުއްދަތެއް ހޭދަކޮށްފައިވާ، ރައްޔިތުންގެ އިޙުތިރާމް ހޯއްދަވާފައިވާ، ދީންވެރި، ޚުލްޤު ހެޔޮ މީހެއް ކަމަށެވެ.
އަބްދުއްސަލާމްގެ ދަރިކަލުން ޝުޖާއު ސީޕީ ކަމަށް އައްޔަންކުރީ މިދިޔަ އަހަރުގެ ޑިސެމްބަރު 25 ގަ އެވެ.
އެ މަގާމަށް އައްޔަންކުރުމުގެ ކުރިން ވެސް އޭނަ އަކީ ފުލުހުންގެ އިސް މަގާމުތަކެއް އަދާކުރައްވާފައިވާ ބޭފުޅެކެވެ.