ނެޝަނަލް ކޮލެޖް އޮފް ޕޮލިސިން އެންޑް ލޯ އެންފޯސްމަންޓް (އެންސީޕީއެލްއީ) ރަޖިސްޓްރީކުރުމާ ގުޅޭ ގޮތުން މަޝްވަރާކޮށްފި އެވެ.
އެތަނުގެ ވެރިން މޯލްޑިވިސް ނެޝަނަލް ސްކިލްސް ޑިވެލޮޕްމަންޓް އޮތޯރިޓީ (އެމްއެންއެސްޑީއޭ) އަށް ޒިޔާރަތް ކުރައްވައި އެތަން ރަޖިސްޓްރީ ކުރުމާ ގުޅޭ ގޮތުން ކުރިއަށް ގެންދިޔަ މަޝްވަރާގައި އެ އިންސްޓިޓިއުޓް އިން ގައުމީ ފެންވަރުގެ އެޕްރެންޓެސްޝިޕް އަދި ތަމްރީނު ޕްރޮގްރާމްތަށް ރަޖިސްޓްރީ ކުރުމުގެ އުޞޫލުތަކާއި ގުޅޭ ގޮތުން އެމްއެންއެސްޑީއޭގެ ފަރާތުން މައުލޫމާތު ހިއްސާކޮށްފައިވެ އެވެ.
މީގެ އިތުރުން، ދެ އިދާރާ އިން ގުޅިގެން ރާއްޖޭގެ މަސައްކަތުގެ މާހަޢުލުގައި ހުނަރުވެރިކަން އިތުރުކުރުމަށް ކުރިވިދާނެ މަސައްކަތްތަކާ ގުޅޭ ގޮތުން ވެސް މަޝްވަރާތަކެއް ކުރި އެވެ.
ދެހާސް ބާވީހުން ފެށިގެން ފުލުހުންގެ ދަށުން ހިންގަމުން އަންނަ އެންސީޕީއެލްއީ އަކީ ރާއްޖޭގެ ސަލާމަތާއި ރައްކާތެރިކަމާއި ގުޅޭ ދާއިރާއަށް ނުކުންނަ މުވައްޒަފުންނަށް ބޭނުންވާ ތަޢުލީމާއި ތަމްރީނު ފޯރުކޮށް ދިނުމަށް ޤާއިމުކޮއްފައިވާ އިންސްޓިޓިއުޓެކެވެ. އެގޮތުން އައްޑޫގައި ހިންގަމުން އަންނަ ޕޮލިސް ކޮލެޖަކީ އެ އިންސްޓިޓިއުޓްގެ ދަށުން ހިންގަމުން އަންނަ ތަނެކެވެ.