ކިލޯއަކަށް ވުރެ ގިނަ މަސްތުވާތަކެއްޗާ އެކީ ބަޔަކު ހައްޔަރުކޮށްފި އެވެ.
ފުލުހުންގެ އިންޓެލިޖެންސަށް ލިބުނު މައުލޫމާތަކާ ގުޅިގެން އެޕާޓްމަންޓަކާއި ކާރުތަކެއް ފާސްކޮށް އަތުލައިގަތް މަސްތުވާތަކެތީގެ މައްސަލައިގައި ހައްޔަރުކޮށްފައި ވަނީ އއ. ރަސްދޫ، ފުނަމާގޭ ހަސަން ޒަޔާން، 24، އާއި ގދ. ތިނަދޫ، ކުލުނު، އަލީ ސަރީހު އަންވަރު، 22، އެވެ.
އެ މީހުން ހައްޔަރުކޮށް ބަންދާ މެދު ގޮތެއް ނިންމުމަށް ކުރިމިނަލް ކޯޓަށް ހާޒިރުކުރުމުން، ދެ މީހުންގެ ބަންދަށް ވެސް 15 ދުވަސް ޖަހާފައިވެ އެވެ.
އެ މީހުންގެ ބަންދު އަމުރުގައި ބުނެފައިވަނީ ކޯޓު އަމުރެއްގެ ދަށުން އެޕާޓުމެންޓްއް ބަލައި ފާސްކުރި އިރު، ޒަޔާނާއި އަސްރަހު ތިބި އެޕާޓުމަންޓުގެ ބަދިގެ އާއި ކޮޓަރި ތެރެއިން ގިނަ އަދަދެއްގެ މަސްތުވާތަކެތި ފެނުނު ކަމަށާއި އެކަމާ ގުޅިގެން ބަލައިފާސްކުރި އިތުރު އެޕާޓުމަންޓަކާއި ދެ ކާރަކުން ވެސް ގިނަ އަދަދެއްގެ މަސްތުވާތަކެތި ފެނިފައިވާ ކަމަށެވެ.
އަދި މިކަމުގައި ބައެއްގެ ބައިވެރިވުން ވެސް އޮތް ކަމަށް ބެލެވޭ ކަމަށް ކޯޓް އަމުރުގައިވެ އެވެ.
އަސްރަހުގެ ކުޑަކަމުދާތަކެތި ވެސް މަސްތުވާތަކެއްޗަށް ޕޮޒިޓިވް ވެފައިވާ އިރު އޭނާ އަކީ މި ބާވަތުގެ ކުށުގެ ރެކޯޑް ކުރިން ވެސް އޮތް މީހެކެވެ.