މިދިޔަ މަހުގެ ނިޔަލަށް 1،907 އެކްސިޑެންޓް ރިޕޯޓްކޮށްފައިވާ ކަމަށް ފުލުހުން ބުނެފި އެވެ.
ފުލުހުންގެ އާންމުކޮށްފައިވާ ތަފާސްހިސާބުން ދައްކާގޮތުން އޮގަސްޓާ ހަމައަސް ރިޕޯޓް ކޮށްފައިވާ އެކްސިޑެންޓްތަކުގެ ތެރެއިން 1،584 އެކްސިޑެންޓް ރިޕޯޓްކޮށްފައި ވަނީ މާލެ ސަރަހައްދުންނެވެ. އެގޮތުން މާލެ އިން 1،166 އެކްސިޑެންޓް ރިޕޯޓްކޮށްފައިވާ އިރު، ހުޅުމާލެ އިން 413 އެކްސިޑެންޓެއް ރިޕޯޓްކޮށްފައިވެ އެވެ.
މީގެ އިތުރުން ވިލިމާލ އިން 5 އެކްސިޑެންޓް ރިޕޯޓްކޮށްފައިވެ އެވެ.
ތަފާސް ހިސާބުތައް ދައްކާ ގޮތުގައި އޮގަސްޓް މަހު އެކަނި ރިޕޯޓްކުރި އެކްސިޑެންޓްތަކުގެ އަދަދު 218 އަށް އަރަ އެވެ. އަދި މިއަހަރުގެ މިހާތަނަށް އެންމެ ގިނަ އެކްސިޑެންޓް ރިޕޯޓްކޮށްފައި ވަނީ މާޗް މަހު އެވެ. އެ މަހު އެކަނި ވެސް 301 އެކްސިޑެންޓް ރިޕޯޓްކުރި އެވެ.
މާލެ ސަރަހައްދުގައި ހިނގާ އެކްސިޑެންޓްތައް ވަރަށް ބޮޑަށް އިތުރުވެފައިވާ އިރު، މި ހަފުތާގައި މި ވަނީ އެކްސިޑެންޓެއްގައި ދެ ޒުވާނަކު މަރުވެފަ އެވެ. އެއީ ހުކުރު ދުވަހު ހުޅުމާލޭގައި ހިނގި އެކްސިޑެންޓެއްގައި މަރުވި ލ. އިސްދޫ ސަމާހް، 32، އާއި މިދިޔަ ހަފުތާގެ ބުދަ ދުވަހުގެ ރޭ މާލޭގައި ހިނގި އެކްސި ރޭ މަރުވި ގދ. ގައްދޫ މުޙައްމަދު ލީވާން ޢަބުދުލްލަތީފް، 21 އެވެ.