ކުޑަކުއްޖަކާ ބެހުނު މީހަކު 12 އަހަރަށް ޖަލަށް ލުމަށް ކްރިމިނަލް ކޯޓުން ހުކުމް ކޮށްފިއެވެ.
މި މައްސަލައިގައި، ކުޑަކުއްޖަކާއެކު ޖިންސީ އަމަލެއް ހިންގުމުގެ ކުށުގެ ދައުވާ އުފުލާފައިވަނީ މުހައްމަދު ދާއޫދު، އިމޭޖު / ރ.މާކުރަތު ގެ މައްޗަށެވެ.
އޭނާގެ މައްޗަށް މި ކުށް ސާބިތުވާ ކަމަށް ކަނޑައަޅާ ކްރިމިނަލް ކޯޓުން ހުކުމް ކޮށްފައިވަނީ މިދިޔަ އަންގާރަ ދުވަހުއެވެ.
ކްރިމިނަލް ކޯޓުން ވަނީ މީނާ 12 އަހަރަށް ޖަލަށްލުމަށް ހުކުމް ކޮށްފައެވެ.
މީގެއިތުރުންވެސް މީނާގެ މައްޗަށް އޮރިޔާންކާޑު ގެންގުޅުމުގެ ކުށުގެ ދައުވާއެއް އުފުލާފައިވެއެވެ. އެހެންނަމަވެސް ކްރިމިނަލް ކޯޓުން ހުކުމް ކޮށްފައިވަނީ މި ކުށް ސާބިތުނުވާ ކަމަށެވެެ.