މަސްތިވާތަކެތީގެ މައްސަލައެެއްގައި އައްޑޫ ހިތަދޫ މީހަކު އދ. މަހިބަދޫން ހައްޔަރުކޮށްފި އެވެ.
ހައްޔަރުކުރީ ހިތަދޫ، ލެވީނިއާ، މުޙައްމަދު ޒުނާމް ނަޖުމީ، 24، އެވެ.
ފުލުހުން ބުނީ އޭނަ ހައްޔަރުކުރީ މި މަހުގެ 5 ވަނަ ދުވަހު އދ. މަހިބަދޫ ޕޮލިސް ސްޓޭޝަނުން ހިންގި އޮޕަރޭޝަނުގައި، އެ ރަށު ވޮލީ ކޯޓާ ދިމާ އުތުރު ބަނދަރުން ޒުނާމް ހުއްޓުވައި ބަލައި ފާސްކުރި އިރު، މަސްތުވާތަކެތި ކަމަށް ބެލެވޭ އެއްޗެއް ހުރި ފިލްމު ހުސްކުރި 12 ދަޅު ފެނުނު މައްސަލައެއްގައި ކަމަށެވެ. އޭނަގެ އަތުން ފެނުނު މަސްތުވާތަކެތީގެ ބަރުދަނުުގައި 378.75 ގްރާމް ހުރި ކަމަށް ވެސް ފުލުހުން ބުންޏެވެ.
މި މައްސަލައާ ގުޅިގެން ޒުނާދުގެ ބަންދާމެދު ގޮތެއް ނިންމުމަށް މަހިބަދޫ މެޖިސްޓްރޭޓް ކޯޓަށް ހާޒިރުކުރުމުން ބަންދަށް 5 ދުވަސް ޖަހާފައިވެ އެވެ.
މި މައްސަލަ މަހިބަދޫ ޕޮލިސް ސްޓޭޝަނުން އަންނަނީ އިތުރަށް ތަހުގީގު ކުރަމުންނެވެ.