މަދަނީ ޖަމްއިއްޔާތަކުގެ ތެރެއިން ފައިސާގެ އެހީ ލިބޭ ޖަމިއްޔާތަކާއެކު ޔޫތު މިނިސްޓްރީން އެއްބަސްވުންތަކުގައި ސޮއިކުރަން ފަށައިފި އެވެ.
ގްރާންޓް ލިބޭ 10 ޖަމްއިއްޔާއަކާއެކު މިއަދު ސޮއިކޮށްފައި ވާއިރު މާދަމާ ވެސް އިތުރު ޖަމްއިއްޔާތަކާއެކު ސޮއިކުރުން ކުރިއަށް ދާމެ ކަމަށް މިނިސްޓްރީން ބުންޏެވެ.
މިއަދު ސޮއިކުރި ޖަމިއްޔާތައް:
* ދުވާފަރު ޔޫތު މޫވްމަންޓް
* އައިކަންސް އެސޯސިއޭޝަން
* ތުޅާދޫ ސިލްވަރ ޝައިންސް ކްލަބް
* ޑައިބިޓީސް ސޮސައިޓީ އޮފް މޯލްޑިވްސް
* ޖަމްއިއްޔަތުލް ސަލަފް
* ހުޅުދެލީ އައިލެންޑް ސޯޝަލް އެންޑް ސްޕޯޓްސް އެސޯސިއޭޝަން
* ޓޮޕްސީ
* އެސޯސިއޭޝަމް ފޯ މަތިވެރި ސްޕޯޓްސް އެންޑް އެވެއާނަސް
* ގަމު ޒުވާނުންގެ ޖަމިއްޔާ
* ސޮސައިޓީ ފޯ ތުނޑީ އެޑްވާންސްމަންޓް އެންޑް ރެކްރިއޭޝަން
މަދަނީ ޖަމިއްޔާތަކުން ހިންގާ މުޖުތަމައު ބާރުވެރިކުރުމުގެ މަޝްރޫއުތަކާއި، ހަރަކާތްތައް ހިންގުމަށް ފައިސާގެ އެހީ ދޭން ނިންމައި އެކަން އިއުލާންކުރީ މެއި މަހުގެ ތެރޭގަ އެވެ.
ޔޫތު މިނިސްޓްރީން ބުނީ އެހީގެ މި ފިޔަވަހީގައި އެހީ ދޭން ހަމަޖެހިފައި ވަނީ ކުދި، މެދު އަދި ބޮޑެތި މަޝްރޫއުތަކާއި ހަރަކާތްތައް ހިންގުމަށް ކަމަށެވެ.
މި އެހީ ދިނުމުގެ މައިގަނޑު މަގުސަދަކީ މުޖުތަމައު ބާރުވެރިކުރުމަށް މަދަނީ ޖަމިިއްޔާތަކުން ކުރަމުން އަންނަ މަސައްކަތްތައް ފާހަގަކޮށް އެފަދަ މަސައްކަތްތަކަށް އެއްބާރުލުންދީ އެހީތެރިކަން ފޯރުކޮށްދީ، ގައުމީ ތަރައްގީގައި މަދަނީ ޖަމްއިއްޔާތަކުގެ ދައުރު ފުޅާ ކުރުމެވެ.