Last Updated: April 4, 20:04
Friday, April 4, 2025
ޚަބަރު ޕޮލިސް

ގެސްޓް ހައުސެއްގެ ކޮޓަރިއެއްތެރޭ ޒަހަމުކޮށްލާފައި އޮތް މީހަކު ފެނިއްޖެ

ގެސްޓް ހައުސެއްގެ ކޮޓަރިއެއްތެރޭގައި ޒަހަމުކޮށްލާފައި އޮތް މީހަކު ފެނިއްޖެއެވެ.

ފުލުހުން މިއަދު ބުނެފައިވަނީ ހެންވޭރުގެ ގެސްޓް ހައުސްއެއްގެ ކޮޓަރިއެއްގައި އުޅޭ މީހަކު ހަބަރެއް ނުވާކަމަށް ލިބުނު މައުލޫމާތާއި ގުޅިގެން މިއަދު ފުލުހުން އެތަނަށް ގޮސްފައިވާ ކަމަށެވެ.

ފުލުހުން ގޮސް އެ ކޮޓަރިއަށްވަދެ ބެލިއިރު ޒަހަމުތަކަކާއެކު އޮތް މީހަކު ފެނިފައިވާ ކަމަށާއި އެެއީ 27 އަހަރުގެ ދިވެހި ފިރިހެނެއް ކަމަށް ފުލުހުން މައުލޫމާތު ދީފައިވެއެވެ. ފުލުހުން ބުނެފައިވަނީ އެ މީހާ މިހާރު އައިޖީއެމްއެޗްއަށް ގެންގޮސްފައިވާ ކަމަށެވެ. އަދި އެމީހާއަށް އައިސީޔޫގައި ފަރުވާދެމުންދާ ކަމަށް ފުލުހުން މައުލޫމާތު ދީފައިވެއެވެ.

މި ހާދިސާގެ ސީންގައި ފުލުހުން މިހާރު ހަރަކާތްތެރިވަމުންދާ ކަމަށްވެސް މައުލޫމާތު ދީފައިވެއެވެ.