ބޭންކް އޮފް މޯލްޑިވްސް (ބީއެމްއެލް)ގެ ސީއީއޯ ކާލް ސްޓުމްކަ މަގާމުން އިސްތިއުފާ ދެއްވައިފިއެވެ.
ބީއެމްއެލްއިން މިއަދު ބުނެފައިވަނީ ކާލް ސްޓުމްކަ އިއްޔެގެ ވަގުތެއްގައި އިސްތިއުފާ ދެއްވާފައިވާ ކަމަށެވެ.
އޭނާ މަގާމުން އިސްތިއުފާ ދެއްވިނަމަވެސް މި މަހުގެ 21 ގައި ބާއްވާ ބީއެމްއެލްގެ ހާއްސަ ގޮތުން ކުރާ އާންމު ޖަލްސާއާ ހަމައަށް ކާލް މަގާމުގައި ހުންނަވާނެ ކަމަށް އެ ބޭންކުން މައުލޫމާތުދެއެވެ.
ބީއެމްއެލްގެ ސީއީއޯގެ މަގާމަށް ކާލް ސްޓުމްކަ އައްޔަނުކުރީ 11 އޮކްޓޯބަރު 2022 ގައެވެ.
ބީއެމްއެލްގެ ސީއީއޯ އިސްތިއުފާ ދެއްވާފައި މިވަނީ ބީއެމްއެލްއާއި އިދިކޮޅު ފަރާތްތައް ގުޅިގެން މާލީ ބަގާވާތެއް ކުރަން އުޅުނު ކަމަށް ސަރުކާރަށް ނިސްބަތްވާ ފަރާތްތަކުން ތުހުމަތު ކުރަމުންދަނިކޮށެވެ. އަދި ފުލުހުންވެސް ވަނީ ސަރުކާރު ބަދަލުކުރުމަށް މަސައްކަތްތަކެއް ކުރިކަމަށް ބުނާ މައްސަލަ ތަހުގީގު ކުރަން ފަށާފައެވެ.