ހދ. ހިރިމަރަދޫ ރައްޔިތުން ކ. ތުލުސްދު އަށް ބަދަލުވާން އެދިފައިވާ ކަމަށް ލޯކަލް ގަވަމްންޓް މިނިސްޓަރު އާދަމް ޝަރީފު ވިދާޅުވެއްޖެ އެވެ.
މިނިސްޓަރު އިއްޔެ ވިދާޅުވީ އެ ރަށުން އެގޮތަށް އެދުނީ ކައުންސިލާ އެކީ ބޭއްވި ބައްދަލުވުމުގައި ކަމަށެވެ. އެގޮތުން ރައްޔިތުން ތުލުސްދު އަށް ބަދަލުވާން އެދިފައިވާ ކަމަށް ވިދާޅުވި އެވެ.
HDh Hirimaradhoo rayyithun ehen rashakah badhaluvumah rayyithun nimmaafaivaakamah miadhuge badhdhaluvumugai council ge members vidhaalhuvi. Adhi, Rayyithun beynunvanee K.Thulusdhoo ah kan faahaga kurevvi. pic.twitter.com/0CVIQ0qZOj
— Adam Shareef Umar (@Adamshareefz) September 9, 2024
ހިރިމަރަދޫ އަކީ ހދ. އަތޮޅުގެ 13 ރަށުގެ ތެރެއިން އާބާދީ އެންމެ ކުޑަ ރަށެވެ. އެ ރަށުގެ މިހާރުގެ ދިރިއުޅޭ އާބާދީ އަކީ 293 އެވެ. އެއީ 157 ފިރިހެނުންނާއި 136 އަންހެނުންނެވެ.
ތަފާސްހިސާބުތައް ދައްކާ ގޮތުން ވެސް ހިރިމަރަދޫގެ އާބާދީ ދަނީ އަހަރުން އަހަރަށް ދަށަށެވެ. އެގޮތުން 2014 ވަނަ އަހަރު ހެދި ބޯހިމެނުމުން ދައްކާ ގޮތުގައި ރަށުގައި ދިރިއުޅޭ އާބާދީއަކީ 314 މީހުންނެވެ.
މީގެ ކުރިން ވެސް ރާއްޖޭގެ ބައެއް ރަށްރަށުގެ ރައްޔިތުން އެހެން ރަށްރަށަށް ބަދަލުވެފައިވެ އެވެ.