ނ. ހޮޅުދޫގައި މަރާލާފައި އޮތް އަންހެނެއް ފެނިއްޖެއެވެ.
މައުލޫމާތު ލިބިފައިވާގޮތުގައި އެ އަންހެން މީހާ މަރާލާފައިވަނީ ވަޅިއަކުން އޭނާގެ ކަރަށް ހަމަލާދީގެންނެވެ. މަރާލާފައިވަނީ 50 އަހަރުގެ ދިވެހި އަންހެނެކެވެ.
މި މައްސަލައާ ގުޅިގެން ފުލުހުން ބުނެފައިވަނީ، ނ. ހޮޅުދޫގައި ޒަހަމުތަކަކާއެކު އަންހެނަކު އޮތްކަމަށް މިއަދު ހެނދުނު ފުލުހުންނަށް މައުލޫމާތު ލިބިފައިވާ ކަމަށެވެ.
އެ އަންހެން މީހާ އެރަށުގެ ހެލްތް ސެންޓަރަށް ގެންގޮސްފައިވާ ކަމަށާއި އެ މީހާ މަރުވެފައިވާ ކަމަށް ހެލްތް ސެންޓަރުން މައުލޫމާތު ދޭކަމަށް ފުލުހުން ބުނެފައިވެއެވެ.
ފުލުހުން ބުނެފައިވަނީ މިކަމާ ގުޅިގެން ފުލުހުން ހަރަކާތްތެރިވަމުންދާ ކަމަށެވެ.