ތިލަމާލެ ބްރިޖުގެ މަސައްކަތް އަވަހަށް ނިންމުމާ ގުޅޭ މަޝްވަރާތަކެއް ކުރިއަށް ގެންގޮސްފި އެވެ.
މި މަޝްވަރާތައް ކުރިއަށް ގެންގޮސްފައިވަނީ އިންޑިއާގެ މުމްބާއީ އަށް ކޮންސްޓްރަކްޝަން މިނިސްޓަރު ޑރ. އަބްދުﷲ މުއްތަލިބު ކުރައްވަމުން ގެންދަވާ ދަތުރުފުޅުގެ ތެރެއިންނެވެ.
އިންޑިއާ އިން ރާއްޖެ އަށް ކަނޑައަޅުއްވާފައި ހުންނަވާ ސަފީރު މުނޫ މަހާވަރްއާއެކު ބޭއްވި މި ބައްދަލުވުމުގައި ބްރިޖު މަޝްރޫއުގައި ކުރިއެރުންތަކެއް ލިބިފައިވާކަން ދެ ފަރާތުން ވެސް ފާހަގަކޮށްފައިވެ އެވެ. އަދި މި މަޝްރޫއު އަވަހަށް ނިންމުމަށްޓަކާ އަޅަންޖެހޭ ފިޔަވަޅުތަކާ ގުޅޭގޮތުން ވެސް ވަނީ މަޝްވަރާކޮށްފަ އެވެ.
Both sides acknowledged the significant progress achieved on this flagship development cooperation project, and discussed measures to ensure its speedy completion. 2/2 pic.twitter.com/C35KLeXVUd
— India in Maldives (@HCIMaldives) September 10, 2024
ތިލަމާލެ ބްރިޖުގެ މަސައްކަތުގެ 40 ޕަސެންޓް މަސައްކަތް މިހާރު ވަނީ ނިމިފަ އެވެ.
އިންޑިއާގެ އެފްކޮންސް އިންފްރާސްޓްރަކްޗާ އން ކުރިއަށް ގެންދާ ތިލަމާލެ ބްރިޖުގެ މި މަޝްރޫއުއަކީ 7 ބިލިއަން ރުފިޔާގެ ބޮޑު މަޝްރޫއުއެކެވެ. މި މަޝްރޫއު އަކީ އެ ގައުމުގެ ސަރުކާރުން ދޭ 100 މިލިއަން ޑޮލަރުގެ ގްރާންޓާއި 400 މިލިއަން ޑޮލަރުގެ ލައިން އޮފް ކްރެޑިޓް (އެލްއޯސީ) ދަށުންނާއި ބާކީ ބައި ސަރުކާރުން ހަރަދު ކުރާގޮތަށް ކުރިއަށް ގެންދާ މަޝްރޫއުއެކެވެ.