ވިލާ ކޮލެޖުގެ ފެކަލްޓީ އޮފް ބިޒްނަސް މެނޭޖުމަންޓްގެ ނަން ގާސިމް އިބްރާހިމް ސްކޫލް އޮފް ބިޒްނަސް އަށް ރީބްރޭންޑްކޮށްފި އެވެ.
އެކަމަށްޓަކައި އިއްޔެ ބޭއްވި ރަސްމިއްޔާތު ޝަރަފުވެރިކޮށް ދެއްވީ އިކޮނޮމިކް މިނިސްޓަރު މުހައްމަދު ސައީދެވެ.
ރާއްޖޭގެ އެންމެ ބޮޑު މަހުޖަނު ގާސިމްގެ ވިލާ ކޮލެޖްގެ ފެކަލްޓީ އޮފް ބިޒްނަސް މެނޭޖްމަންޓްގެ ނަން އޭނަގެ ނަމާ ގުޅުވައި ރީބްރޭންޑްކުރީ ވިޔަފާރީގެ ދާއިރާ އިން ގާސިމު ކުރައްވަމުން ގެންދަވާ ހިދުމަތްތަކުގެ އަގު ވެސް ވަޒަން ކުރުމުގެ ގޮތުންނެވެ.
ގާސިމް އިބްރާހިމް ބިޒްނަސް ސްކޫލްގެ ޑީން އަބްދުﷲ ނާފިޒް ވިދާޅުވީ މިއީ ހަމައެކަނި ނަމަށް އައި ބަދަލެއް ނޫން ކަމަށާއި މިއީ އުންމީދީ ތަސައްވުރަކާއެކު ގެނެވުނު މުހިއްމު ބަދަލެއް ކަމަށެވެ.
އޭނަ ވިދާޅުވި ގޮތުގައި އަމާޒަކީ އެތަނަކީ ދުނިޔޭގެ ފެންވަރުގެ ބިޒްނަސް ސްކޫލަކަށް ހެދުން ކަމަށެވެ.
ފެކަލްޓީގެ ދަށުން އަލަށް ވަނީ ހއްސަ ސެންޓަރެއް ވެސް ސެންޓަ ފޯ އިނޮވޭޝަން އެންޓަޕްރައިޒް ޑިވެލޮޕްމަންޓްގެ ނަމުގައި އުދައްދައިފަ އެވެ. އެ ސެންޓަރުގެ ޕާޓްނަރުންގެ ގޮތުގައި ބިޒްނަސް ސެންޓަރ ކޯޕަރޭޝަން (ބީސީސީ)، ވާވޭ، ދިރާގު، ސްޕާކް ހަބް
ވިމެން އިން ޓެކް، ސޮނޭވާ ނަމޫނާ، އޮކްސިކާ ޕްރައިވެޓް ލިމިޓެޑް، އޭޝިއާ ޕެސިފިކް އިންސްޓިޓިއުޓް އޮފް މަނީ އެންޑް އެންޓްއެޕްރްނިއާޝިޕް ޑިވެލޮޕްމަންޓް، ސްކޮޔާ ހަބް، ފެނަކަ ކޯޕަރޭޝަން، ކަނޑޫފާ ފައުންޑޭޝަން އަދި ވިލާ ޝިޕިން އެންޑް ޓްރޭޑިން ހިމެނެ އެވެ.