Last Updated: April 3, 22:50
Thursday, April 3, 2025
ޚަބަރު ސިޔާސީ

އިސްތިއުފާ ދިން ޕީއެސް އަށް ޑެޕިއުޓީ މިނިސްޓަރުކަން

ހިންނާ ހާލިދު- ފޮޓޯ؛ ހޯމްލޭންޑް މިނިސްޓްރީ

މިނިސްޓްރީ އޮފް ހޯމްލޭންޑް ސެކިއުރިޓީ އެންޑް ޓެކްނޯލޮޖީގެ ޕާމަނަންޓް ސެކްރެޓްރީގެ މަގާމުން އިސްތިއުފާ ދެއްވި ހިންނާ ހާލިދުއަށް ޑެޕިއުޓީ މިނިސްޓަރުކަން ދެއްވައިފިއެވެ.

ހިންނާ ހާލިދު ހޯމް މިނިސްޓްރީގެ ޕީއެސްގެ މަގާމަށް އައްޔަނު ކޮށްފައިވަނީ ޖޫން 6 ވަނަ ދުވަހުއެވެ. އޭނާ މަގާމުން އިސްތިއުފާ ދެއްވިކަން މީޑިއާތަކަށް ހާމަވެފައިވަނީ މިދިޔަ ހޯމަ ދުވަހުއެވެ.

މައުލޫމާތު ލިބިފައިވާ ގޮތުގައި ހިންނާއަށް އިއްޔެ ވަނީ ފޮރިން މިނިސްޓްރީގެ ޑެޕިއުޓީ މިނިސްޓަރުގެ މަގާމު ދެއްވާފައެވެ.

ހިންނާ އަކީ ހޯމް މިނިސްޓްރީ އަދި ރައީސް އޮފީހުގެ އެކި މަގާމުތައް ފުރުއްވާފައިވާ ފަރާތެކެވެ.

ރާއްޖޭގެ އިގްތިސާދީ ހާލަތު ރަނގަޅު ކުރުމަށް ފިޔަވަޅުތަކެއް އަޅަމުންދާކަމަށް ސަރުކާރުން ހާމަކޮށްފައިވީނަމަވެސް ސިޔާސީ މަގާމުތަކަށް މީހުން ނެގުން ހުއްޓާނުލާތީ އިދިކޮޅު ފަރާތްތަކުގެ ފާޑުކިޔުން ސަރުކާރަށް ވަނީ ވަރަށް ބޮޑަށް އަމާޒުވެފައެވެ.