އިންޑިއާގެ މަޝްހޫރު ސެލެބްރިޓީ މަލައިކާ އަރޯރާގެ ބައްޕަ އަނިލް އަރޯރާ މިއަދު އިމާރާތަކުން ފުންމާލައިގެން އަމިއްލަ އަށް މަރުވެއްޖެ އެވެ.
މީޑިއާތަކުން ބުނީ އޭނަ ފުންމައިލީ މުމްބާއީގެ ބަންޑްރާގައި ދިރިއުޅެމުން އަންނަ ގޭގެ ޓެރަސްމަތިން ކަމަށެވެ. މި ހާދިސާ ހިނގާފައި ވަނީ ހެނދުނު 9:00 އެހާކަށްހާ އިރު އެވެ. ބައްޕަ މަރުވި އިރު، މަލައިކާ ހުރީ ޕޫނޭގަ އެވެ. މީޑިއާތަކުން ބުނި އެ ޚަބަރު ލިބުމާ އެކީ އޭނަ މުމްބާއީ އަށް ގޮސްފައިވާ ކަމަށެވެ.
މަލައިކާގެ އިތުރުން އެ އާއިލާގައި ހުންނަނީ ކުރީގެ ބަތަލާ އަމްރިތާ އަރޯރާ އެވެ.
މަލައިކާ އަކީ ސަލްމާން ޚާންގެ ކޮއްކޮ އަރުބާޒް ޚާންގެ ކުރީގެ އަންހެނުންނެވެ. އެ ދެ މީހުންގެ އަރުހާން ޚާން ކިޔާ، 21، އަހަރުގެ ކުއްޖަކު ވެސް ހުރެ އެވެ. އަރުބާޒްއާ ވަކިވި ފަހުން މަލައިކާ 2018 އިން ފެށިގެން ރައްޓެހިވެގެން އުޅުނީ އެކްޓަރު އަރުޖުން ކަޕޫރާ އެވެ.
ދާދި ފަހުން މީޑިއާތަކުން ރިޕޯޓްކޮށްފައިވާ ގޮތުގައި އެ ދެ މީހުން މިހާރު ވަނީ ރުޅިވެފަ އެވެ.
މަލައިކާގެ ބައްޕަގެ މަރާ ގުޅިގެން އެ ހާދިސާ އިތުރަށް އަންނަނީ ތަހުގީގު ކުރަމުންނެވެ. އަނިލް އަކީ ކުރިން މާޗަންޓް ނޭވީގައި މަސައްކަޔްކޮށްފައިވާ މީހެކެވެ.