ޕެރޫގެ ކުރީގެ ރައީސް އަލްބާޓޯ ފުޖިމޯރީ އަވަހާރަވެއްޖެ އެވެ.
އޭނަގެ އާއިލާ އިން މިކަން ކަށަވަރުކޮށް ދެމުން ބުނީ ފުޖިމޯރީ އަވަހަރާވީ ކެންސަރު ބަލީގައި އުޅުއްވާތާ ގިނަ ދުވަސްތަކެއްވެފައި ވަނިކޮށް ކަމަށެވެ. ފުޖިމޯރީ އަވަހާރަވި އިރު އުމުރަކީ 86 އެވެ.
އޭނަ ޕެރޫގެ ރައީސްކަން ކުރެއްވީ 1990-2000 އަށެވެ.
ފުޖިމޯރީގެ ވެރިކަމުގެ ދައުރުގައި ކޮރަޕްޝަންގެ ބޮޑެތި އަމަލުތަކާއި އިންސާނީ ހައްގުތަކާ ގުޅޭ ބޮޑެތި މައްސަލަތަކެއް ފެންމަތިވި އެވެ. އޭނަ އަށް މަގާމު ގެއްލި، ކޮރަޕްޝަންގެ ކުށްތަކާއި އިންސާނީ ހައްގުތައް ނިގުޅައިގަފުން ފަދަ ބޮޑެތި މައްސަލަތަކާ ގުޅިގެން ޖަލު ހުކުމް ވެސް ތަންފީޒުކުރައްވަން ޖެހިވަޑައިގަތެވެ. އެގޮތުުން ފުޖިމޯރީގެ މައްޗަށް އިއްވާފައި އޮތް 25 އަހަރުގެ ޖަލު ހުކުމުގެ ތެރެއިން 15 އަހަރަށް ވުރެ ގިނަ ދުވަސް ފަހުން އޭނަ ޖަލުން ދޫކުރީ މިދިޔަ އަހަރުގެ ޑިސެމްބަރު މަހުގެ ތެރޭގަ އެވެ.
ވަރަށް ހުދުމުޙްތާރު ލީޑަރެއްގެ ގޮތުގައި ސިފަކުރެވުނު ފުޖިމޯރީ އަކީ ޕެރޫގެ 54 ވަނަ ރައީސެވެ.
އޭނަ ސިޔާސީ ދާއިރާ ވަދެވަޑައުގަތުމުގެ ކުރިން އުޅުއްވީ ޔުނިވަސިޓީ ރެކްޓާއެކެވެ. ފުޖިމޯރީ އަކީ އެގްރިކަލްޗަ އިންޖިނިއަރެކެވެ.