ހއ. ދިއްދޫގައި އިމާރާތް ކުރަމުން އަންނަ އިސްލާމީ މަރުކަޒުގެ މަސައްކަތް ބާރަށް ކުރިއަށްދާ ކަމަށް އިސްލާމިކް މިނިސްޓްރީން ބުނެފި އެވެ.
ރަޝީދު ކާޕެންޓްރީ އެންޑް ކޮންސްޓްރަކްޝަން ޕްރައިވެޓް ލިމިޓެޑާ ހަވާލުކޮށްގެން ކުރިއަށް ގެންދާ މި މަޝްރޫޢުގައި މިހާރު ކުރިއަށްދަނީ ސިމެންތި ޖެހުމާއި ރޭނުމުގެ މަސައްކަތަކުގެ އިތުރުން ހިޔާކުރުމުގެ މަސައްކަތަށް ތައްޔާރުވުމާއި، ދޮރުގެ ފިންތަކުގެ މަސައްކަތެވެ.
މީގެ އިތުރުން މިސްކިތުގެ މުންނާރުގެ މަސައްކަތް ވެސް މިހާރު އަންނަނީ ކުރަމުންނެވެ.
ދިއްދޫ އިސްލާމީ މަރުކަޒަކީ 1،500 މީހުންނަށް އެއްފަހަރާ ނަމާދުކުރެވޭ މަރުކަޒެކެވެ. މި މަރުކަޒުގައި ނަމާދުކުރުމަށް ޚާއްސަ ޖާގައިގެ އިތުރުން، 450 މީހުންގެ މަލްޓިޕަޕަސް ހޯލެއް ވެސް ހުންނާނެ އެވެ. އަދި އެ ތަނުގައި އިދާރީ އޮފީހަކާއި ލައިބްރަރީއަކާއި ހަތަރު ކްލާސްރޫމާއި، ދެ ސެމިނަރ ރޫމުގެ އިތުރުން ޕޭންޓްރީއެއް ވެސް ހުންނާނެ އެވެ.
ދިއްދޫ އިސްލާމީ ދައުލަތުގެ ބަޖެޓުން 50.8 މިލިއަން ރުފިޔާ ޚަރަދުކޮށްގެން ކުރިއަށް ގެންދާ މަޝްރޫއެކެވެ.
އައްޑޫ ހިތަދޫގައި ވެސް އިސްލާމީ މަރުކަޒެއް ބިނާ ކުރުމުގެ މަސައްކަތް އަންނަނީ ކުރަމުންނެވެ. އެއީ މަޝްރޫއުގެ ކޮންޓްރެކްޓަރަކީ ފެޑޯ ޕްރައިވެޓް ލިމިޓެވެ.