އްޖޭގައި ބަންކަރިންގެ ޚިދުމަތް ފެށުމަށްޓަކައި ގެންނަން ނިންމި ދެ ބޯޓްގެ ތެރެއިން ދެވަނަ ބޯޓް ވެސް ރާއްޖެ ގެނެސްދިފި އެވެ.
އެސްޓީއޯ އިން ބުނީ "މެރިން ބެއްލާ" ކިޔާ ބޯޓް ވެސް މިހާރު އޮތީ ކުޅުދުއްފުށީގައި ބަނދަރުކޮށްފައި ކަމަށެވެ. ބަންކަރިންގެ ހިދުމަތަށް ގެނައި ފުރަތަމަ ބޯޓަކީ މި މަހުގެ 9 ގައި ރާއްޖެ އައި "މެރިން އެންޖެލް" އެވެެ.
އެސްޓީއޯ އިން ބުނީ މި ދެ ބޯޓަކީ ވެސް ގާތްގަނޑަކަށް 4،000 ޓަނުގެ ތެޔޮ އުފުލޭނެ އުޅަނދުތަކެއް ކަމަށެވެ.
ބަންކަރިންގެ ޚިދުމަތް އެންމެ ފުރަތަމަ ފަށަން ހަމަޖެހިފައި ވަނީ އިހަވަންދިއްޕޮޅުގަ އެވެ. މިކަމަށް ވާން ޖެހޭ ތައްޔާރީތައް މިހާރު ގާތްގަނޑަކަށް މި ވަނީ ނިމުމަކަށް ވެސް އައިސްފަ އެވެ. އެގޮތުން މިކަމަށް ބޭނުންވާ ވަސީލަތްތައް ގާއިމްކޮށް މުވައްޒަފުން ނެގުމުގެ މަސައްކަތްތައްވެސް އަންނަނީ ކުރެވެމުންނެވެ.
ބަންކަރިންގެ ހިދުމަތަށް ހާއްސަ އޮފީސް އިމާރާތް ހުންނާނީ ހއ. އުލިގަމުގަ އެވެ.