އިމާމުންނަކީ މުޖުތުމަޢުގެ އިސްލާމީ ލީޑަރުން ކަމަށާއި، އެ ބޭފުޅުންނަކީ މުޖުތަމަޢުގައި ދިނީ ޝިޢާރުތައް ފާޅުކުރުމުގައި އިސްވާރުން ކަމަށް އިސްލާމިކް މިނިސްޓަރު ޑރ. މުޙައްމަދު ޝަހީމް އަލީ ސަޢީދު ވިދާޅުވެއް ޖެއެވެ.
ހަ އަތޮޅެއްގެ އިމާމުން ތާޒާކުރުމުގެ ޕްރޮގުރާމް ފެއްޓެވުމުގެ ގޮތުން ބޭއްވި ރަސްމިއްޔާތުގައި މިނިސްޓަރު ވިދާޅުވީ، އިމާމުންނާއި ކައުންސިލްތަކާއި ގުޅިގެން ރަށުތެރޭގެ ހަމަޖެހުން ޤާއިމް ކުރެވޭނެކަމަށާއި، އިމާމުންނާއި ކައުންސިލް ގުޅިގެން މަސައްކަތް ކުރެއްވުމަށް އެދިވަޑައިގަންނަވާ ކަމަށެވެ.
ޝަހީމުވިދާޅުވީ، އިމާމުން ވާން ޖެހޭނީ ނަމޫނާ ޝަޚުސިއްޔަތުތަކަށް ކަމަށާއި، އެހެން މީހުންނަށް ހެޔޮ އެދޭ އަދި އިސްލާމީ ރިސާލަތު އުފުލާ ބަޔަކަށް ކަމަށެވެ. އަދި ރާއްޖޭގެ ތާރީޚަށް ބަލާއިރު އިމާމުންނަކީ ވަރަށް މަތިވެރި އިހުތިރާމެއް ލިބިގެންވީ ބައެއް ކަމަށާއި، އެ އިޙުތިރާމް އެގޮތުގައި ބޭއްވުމަށް ހުރިހާ އިމާމު ންވެސް މަސައްކަތް ކުރެއްވުމަށް ވަޒީރު އިލްތިމާސްކުރެއް ވިއެވެ.
އިމާމުން ތާޒާކުރުމުގެ ޤައުމީ މަޝްރޫއު އަކީ އިސްލާމިކް މިނިސްޓްރީން އެންމެ އިސްކަންދޭ އެއް މަޝްރޫއު އެވެ.
އިމާމުންނާއި ޚަތީބުން ތާޒާކުރުމުގެ ޕްރޮގްރާމް މިހާރު ކުރިއަށް ގެންދާ ހަ އަތޮޅަކީ ނ، ރ، ފ، ދ، ތ އަދި ލ އަތޮޅެވެ.